Read kinyarwanda Yozuwe 16 Bible Online

Yozuwe 16 - kinyarwanda bible

Yozuwe 16

¹Umugabane wa bene Yozefu waheraga kuri Yorudani hafi ya Yeriko; mu burasirazuba bw’amazi ya Yeriko, bwari ubutayu buva i Yeriko bugana ku musozi wa Beteli.

²Washoraga uva i Beteli ugana i Luzi, unyuze ku rubibi rw’Abariki, i Ataroti,

³ukamanuka ahagana ku rubibi rw’Abayafuleti mu burengerazuba, kugera ku ntara ya Betihoroni y’epfo no kugera i Gezeri, ukagarurwa n’inyanja.

⁴Bene Yozefu, Manase na Efurayimu, bahabwa batyo umunani wabo.

⁵Dore urubibi rwa bene Efurayimu, bakurikije amazu yabo: urubibi rw’umunani wabo mu burasirazuba, rwari Ataroti‐Adari kugera i Betihoroni ya ruguru.

⁶Mu burengerazuba, urubibi rwararomborezaga n’i Mikimetati mu majyaruguru, maze rwagera i Tanaki‐Silo rukerekera mu burasirazuba rugana i Yanoha.

⁷Hanyuma rukamanuka i Yanoha rugana i Ataroti na Nara no kuri Yeriko, maze rugakomeza no kuri Yorudani.

⁸Kuva Tapuwa, urubibi rwerekeraga mu burengerazuba ku kagezi ka Kana, maze rukagera ku nyanja. Nguwo umunani w’umuryango wa bene Efurayimu, uko amazu yabo yanganaga,

⁹hatabariwemo nanone imigi bari bafite mu munani wa bene Manase; ngiyo imigi yabo yose n’imidugudu yayo.

¹⁰Abakanahani bari batuye i Gezeri ntibabanyaze ibyabo; bityo bakomeza guturana na bene Efurayimu kugeza na n’ubu, uretse ko babakoreshaga imirimo y’uburetwa.