Read kirikeni 1 Amanyanapụ Sịkị Mịẹaye Ma 25 Bible Online

1 Amanyanapụ Sịkị Mịẹaye Ma 25 - kirikeni bible

1 Amanyanapụ Sịkị Mịẹaye Ma 25

¹Amanyanaḅọ Devid ḅe na Livaị-a tịḅịnịma na, mịna Livaị sẹ apụma sẹlẹmẹ, na ini Tamụnọ tẹkẹ-a mịẹmịẹ ayema ḅụ tịḅịda: Esaf ḅe na, Heman ḅe na pịkị Jẹdutọn ḅe na. Ini anị ọbọ ma na ḅarafarị ayema na nwọse nime chu, pịkị farị Tamụnọ Ḅe oria oku ma ḍukopakụmaḅịaye-ẹ.

²Esaf inein-a owuapụ awọma anị: Zakọ ḅe na, Josẹf ḅe na, Netanaya ḅe na pịkị Asharila ḅe na. Ini ma anị Esaf ḅe chukuḅie sime se Tamụnọ oku mị ḍukopakụmaḅịa apụ-ẹ amanyanaḅọ ḅe kụrọ pịrị sịkị pịrị sịkị ḅụ.

³Jẹdutọn ḅe oria sonio owuapụ awọma anị: Gẹdalaya ḅe na, Ziraị ḅe na, Jẹshaya ḅe na, Shimẹaị ḅe na, Hashabaya ḅe na, pịkị Matitaya ḅe na. Inia ḍaḅe ini dagbụkụkụma sa ḅaraḅụ, ini anị ọbọ ma na, boma nime na, mịẹḅaka ḅe nime na, chu se Nyanaḅọ Ḅe oku ḍukopakụmaḅịapụ ma-ẹ.

⁴Heman ḅe, oria oyi inein-a owuapụ awọ fịnjịma anị: Bukaịya ḅe na, Matanaya ḅe na, Ọzaịẹl ḅe na, Shẹbuẹl ḅe na, Jerimọt ḅe na, Hananaya ḅe na, Hananị ḅe na, Ẹlaịata ḅe na, Gidaltaị ḅe na, Romamti Iza ḅe na, Jọshbikesha ḅe na, Malọtaị ḅe na, Hota ḅe na pịkị Maheziọt ḅe na.

⁵Tamụnọ Ḅe mịna oyi inein-a owuapụ awọ fịnjịma na tẹrẹ-a eremeni awọma na se Heman amanyanaḅọ ịkịankoroḅọ ḅe pịrịmẹ, ò yeḅereni ḅaraḅụ, mịẹso sịkị Heman ḅe kụrọ nyanaḅịa ḅara.

⁶Oria owuapụ awọ mamgba ini ọbọ na ḅarafarịaye na farịfarịmẹ inia ḍaḅe ini dagbụkụkụma ḅaraḅụ, se Oputẹkẹwarị tẹkẹ mịẹkụrọmamẹ. Pịkịna Esaf ḅe na, Jẹdutọn ḅe na, Heman ḅe na, amanyanaḅọ ḅe pịrị kụrọ ḅụ mị ini simeye-ẹ.

⁷Mịna si inein-a owuapụ fịnjị mamgba iḅiọkụma yemịẹ ḍin apụ-ẹ, pịkịna inia juo Livaị apụma chu na farịfarịaye ḍawọ nemisa apụ-ẹ. Inimgba la-ọkụ, anị owuapụ ḅụ, maịnfa kịnị-a oyi-iniasi-oyi-fịnjị-ẹ.

⁸Ini nwẹngịḅịa fịrị lekiri ḅụ, inimgba ini ịkịan-wakị-wakịmẹ, kalaḅọ-o anịkanịka sẹnịḅọ-o, nemitẹịnḅọ-o anịkanịka sakịḅọ-sọ.

⁹Mịna oyimaịn apụ fịnjị ofori kịnị-a jieasi ma, ini ini se furo furo ḅụ si inein-a kpo fịnjị nwọ ḍiamamẹ, gbọrị kpo oyimaịn apụ fịnjị fịnjị ḅụ, gbọrị tịḅịnịḅọ chuku ḅie. Mịn inia fịrị ḅụ ini tọn koroma ọkụ-ẹ: 1) — Josẹf ḅe Esaf furo ḅie pakaḅoḅọ 2) — Gẹdalaya 3) — Zakọ 4) — Zẹraya 5) — Netanaya 6) — Bukaịya 7) — Asharila 8) — Jẹshaya 9) — Matanaya 10) — Shimẹaị 11) — Ọzaịẹl 12) — Hashabaya 13) — Shibuẹl 14) — Matitaya 15) — Jẹremọt 16) — Hananaya 17) — Jọshbikesha 18) — Hananị 19) — Malọtaị 20) — Ẹlaịata 21) — Hota 22) — Gidaltaị 23) — Maheziọt 24) — Romamti Iza.