Read kirikeni 1 Amanyanapụ Sịkị Mịẹaye Ma 27 Bible Online

1 Amanyanapụ Sịkị Mịẹaye Ma 27 - kirikeni bible

1 Amanyanapụ Sịkị Mịẹaye Ma 27

¹Mịn anị Izrẹl ḅie furo furoma na, sẹ-a tịḅịnịma na pịkị Izrẹl sẹma ḅie mgba fịrịnwẹngịarị apụma ḍikiḍikiarị tịḅịnị mamgba na ẹrẹ ma-ẹ. Kụra ḅie akalụ goyegoye ḅụ, owuapụ kpo kịrịkịrị ḅụ tẹrẹ-a poku, fịrịtịḅịnị chuku ḅie anị akalụ mị ḅie fịrịnwẹngị nwẹngịmẹ.

²Mịnapụ ma anị akalụ goyegoye ḅie fịrịtịḅịdapụ ma-ẹ. Tatarị akalụ: Jashobiam, Zabdịẹl tọkụ ḅe (Pẹrẹz ịkpangị, anị Juda sẹ ḅie ḅoḅọ-ẹ) Maịn karama akalụ: Dodaị, Ahohaị ḅe oria tọkụ (Miklọt ḅe anị oria maịn karama kụrọ pịrịḅọ-ẹ) Tẹrẹ karama akalụ: Bẹnaya, Jẹhoịada, agbamịẹḅọ ḅe tọkụ ḅe; ori anị “Soi Ma” tịḅịdaḅọ ḅe-ẹ (oria tọkụ Amizabad ḅe oria kiri ọkịmẹ, mị kpo mị ḅụ kụrọ pịrị ḅụ) Inein karama akalụ: Asahẹl, Joab mịnaḅọ ḅe (oria tọkụ Zẹbadaya ḅe oria kiri ọkịmẹ) Sọnọ karama akalụ: Shamhọt, Iza ḅe oria tọkụ-ẹ Sonio karama akalụ: Ịra, Tẹkoaḅọ, Ikẹsh owutọkụ ḅe Sọnọmẹ karama akalụ: Hilẹz, Ifrem sẹ ḅie, Pẹlọnḅoḅọ-ẹ Nine karama akalụ: Sibekaị, Husha ḅoḅọ-ẹ (Juda sẹ pẹkẹrẹ ḅụ Zira ịkpangịḅọ-ẹ) Esenie karama akalụ: Abaịeza Bẹnjamin sẹ ḅie, Anatọt mị ḅie anị ò ḅoye-ẹ Oyi karama akalụ: Maharaị Nẹtofa ḅoḅọ (Zira ịkpangịḅọ-ẹ) Oyigbọrịye fịnjị karama akalụ: Bẹnaya, Ifrem sẹ ḅie Paịratọnḅọ ḅoḅọ-ẹ Oyimaịn fịnjị karama akalụ: Hẹldaị, Nẹtofa ḅoḅọ (Otniẹl furo ḅi(...)

¹⁶Mịn anị Izrẹl-a sẹma ḍikiḍiki apụma ẹrẹ ma-ẹ: [Sẹ] — [Sẹ Ḍikiḍikiḅọ] Rubẹnị — Ẹleaza, Zikraị ḅe owu tọkụ Simiọnị — Shẹfataịya, Meaka ḅe owu tọkụ Livaị — Hashabaya, Kẹmuẹl ḅe owu tọkụ Erọn — Zadọk Juda — Ilaịhu, Amanyanaḅọ Devid ḅe mịnapụma ḅụ gbọrịḅọ Ịsaka — Omraị, Maịkịẹl ḅe owu tọkụ Zẹbụlọnị — Ishmẹya, Obadaya ḅe owu tọkụ Naftalaị — Jerimọt, Azriẹl owu tọkụ Ifrem — Hosia, Azazaịya ḅe owu tọkụ Ịrụasọsọ nyọ Manasẹ — Joẹl, Pẹdaya ḅe owu tọkụ Ịrụapakapaka nyọ Manasẹ — Ido, Zẹkaraya ḅe owu tọkụ Bẹnjamin — Jeasịẹl, Abna ḅe owu tọkụ Danị — Azarẹl, Jeroham ḅe owu tọkụ

²³Amanyanaḅọ Devid ḅe, si kụra ḅụ iderimapụma, ori ini se kịẹnḅịpị ḅụ chụakẹ, anịatịḅị Nyanaḅọ Ḅe, yeḅerenimẹ na ori Izrẹlapụma mịẹḅịa ini sotọrụ loliama ḅaka ọkụ ḅakaḅịa.

²⁴Joab, Zẹruaya ma árịa tọkụ ḅe sakị nweni kịẹnmẹ, ọkụma ọ̀ kịẹn famakẹ. Mịn kịẹnḅịpị mị gose Tamụnọ Ḅe ḅụfụka se Izrẹl mị pịrịmẹ, anịgose kuluma kịẹnḅịpịma, Amanyanaḅọ Devid ḅe mịẹmịẹayema ḍiri mị ḅie sọkẹ.

²⁵Mịn anị amanyanaḅọ ngọma ḍikiḍiki apụma ẹrẹ ma-ẹ: Amanyanaḅọ ngọ kokowarịma: Azmavẹt, Adiẹl ḅe owu tọkụ Ama ngọ kokowarịma: Jonatan, Ọzaya ḅe owu tọkụ Ozu fịrị: Ẹzraị Kelọb ḅe owu tọkụ Iru mịẹ chịnmgbọlụ ozu: Shimẹaị Rema ḅoḅọ Iru warịma: Zabdaị, Shifam ḅie ḅoḅọ Oliv na sikamọ chịnma na: (ịrụasọsọ nyọ da chịngịma chuku): Beal Hanan, Gẹdẹḅọ ḅe Oliv pulo wẹrị nyọ: Joash Sharọn ele ḅie sime nambulo ogboma: Shitraị, Sharọn ḅoḅọ Pẹsị nyọ nambulo ogboma: Shafat, Adlaị owu tọkụ Ike nambuloma: Obil, Ishmẹlḅọ ḅe Yepụra asụnma: Jẹdeya, Mẹrọnọtḅọ ḅe Anana na oḅori na: Jeziz, Hagraịḅọ ḅe.

³²Jonatan, Devid ḍaḅe numbireowu ḅe, anị tọrụkwein tetema pịrịpịrị pịkị ḍiri-nemiḅọ-ẹ. Ori na Jihaịẹl, Hakmọnaị yaḅe na, anị amanyanaḅọ awọma inia ḍiriḍawọ fịrị mị ḅụ tịḅịdaye-ẹ.

³³Ahitofẹl ḅe anị amanyanaḅọ ḅe tetema-tetemaye-ẹ pịkị Hushaị, Akaịḅọ ḅe, anị amanyanaḅọ ikiaḅọ pịkịna tetema se Amanyanaḅọ ḅe pịrịpịrịye-ẹ.

³⁴Ahitofẹl ḅe fị ḅọrọso, Abaịata ḅe na Jẹhoịada, Bẹnaya owu tọkụ ḅe na, anị ḅo amanyanaḅọ tetemapụ sọye-ẹ. Joab ḅe anị amanyanaḅọ owunikpo mị tịḅịdaḅọ ḅe-ẹ.