Read kirikeni 1 Amanyanapụ Sịkị Mịẹaye Ma 7 Bible Online

1 Amanyanapụ Sịkị Mịẹaye Ma 7 - kirikeni bible

1 Amanyanapụ Sịkị Mịẹaye Ma 7

¹Ịsaka ḅe inein-a owuapụ awọ ọ̀ nwọ yimẹ: Tola ḅe na, Pua ḅe na, Jeshọb ḅe na, pịkị Shịmrọn ḅe na.

²Tola ḅe sonio-a owuapụ awọ ọ̀ nwọ yimẹ: Ụzaị ḅe na, Rifaya ḅe na, Jerịẹl ḅe na, Jamaị ḅe na, Ibsam ḅe na, pịkị Shẹmụẹl ḅe na. Ini anị furoma ḅe tịḅịdapụ ma-ẹ Tola sẹ mị ḅie, pịkị ẹrẹso owuni-ẹ. Amanyanaḅọ Devid ḅe ḅụọ ḅụ inia kịẹnḅịpị, mama poku na inein-a ẹndẹ fasi na kịnị oyiasi na.

³Ụzaị ḅe gbọrị owutọkụ ọ̀ nwọ yimẹ, anị Izrahaịya ḅe-ẹ. Izrahaịya ḅe na oria inein-a owuapụ awọma na, Maịkịẹl ḅe na, Obadaya ḅe na, Joẹl ḅe na, pịkị Ịshaya ḅe na, inimgba furo tịḅịdapụ-ẹ.

⁴Ini tọn-a ere simemẹ pịkị tọn-a awọ yimẹ, anịẹrẹchị inia furo ḅie apụma ineda ọmụgbinḅịa owuapụ ḅụ kịnị inein-a poku na inein-a apụ na ini nwọ nyanamẹ.

⁵Ịsaka sẹ mị ḅie sime furoma ḅụ ẹrẹ ḍiri ḅie sime ineda ọmụgbin lasa owuapụ mamgba ḅe kịẹnḅịpị anị oyi-a poku, tẹrẹ ẹndẹ fasi na kịnị oyiasi na-ẹ.

⁶Bẹnjamin ḅe tẹrẹ-a owuapụ awọ ọ̀ nwọ yimẹ: Bela ḅe na, Bika ḅe na, pịkị Jẹdaịẹl ḅe na.

⁷Bela ḅe sọnọ-a owuapụ awọ ọ̀ nwọ yimẹ: Ẹzbọn ḅe na, Ụzaị ḅe na, Ọzaịẹl ḅe na, Jerimọt ḅe na, pịkị Aịraị ḅe na. Ini ma anị sẹ mị ḅie furo furoma ḅie tịḅịdapụ ma-ẹ, inimgba pịkị ẹrẹso owuni-ẹ. Inia furo ḅie apụma ḅie ineda ọmụgbin lasa owuapụma ḅe kịẹnḅịpị mama poku jie ẹndẹ na kịnị soi inein-a apụ fịnjị na.

⁸Bika ḅe esenie-a owuapụ awọ ọ̀ nwọ yimẹ: Zẹmira ḅe na, Joash ḅe na, Ẹleaza ḅe na, Ilaịẹhoinaị ḅe na, Omraị ḅe na, Jẹremọt ḅe na, Abaịja ḅe na, Anatọt ḅe na, pịkị Alemẹt ḅe na.

⁹Inia furoma ḅie ẹrẹ ḍiri ḅie sọ se ineda ọmụgbin lasa apụma ḅe kịẹnḅịpị, mama poku jie ẹndẹ na kịnị oyiasi fịnjị na-ẹ.

¹⁰Jẹdaịẹl ḅe gbọrị owutọkụ ọ̀ nwọ yimẹ, anị Bilhan ḅe-ẹ, Bilhan ḅe sọnọma owuapụ awọ ọ̀ nwọ yimẹ: Jeush ḅe na, Bẹnjamin ḅe na, Ihud ḅe na, Keneana ḅe na, Zitan ḅe na, Tashish ḅe na, pịkị Ahishaha ḅe na.

¹¹Ini anị furoma ḅie tịḅịnị ma-ẹ sẹ mị ḅie, inimgba pịkị ẹrẹso owuni-ẹ. Inia furo apụma ḅe kịẹnḅịpị anị kịnị mama poku na tẹrẹ ẹndẹ na-ẹ anị ineda ọmụgbin lasa owuapụma ḅụ.

¹²Shụpim ḅe na Hupim ḅe na sọnị mị sẹ ḅe apụ-ẹ. Danị ḅe gbọrị owutọkụ ọ̀ nwọ yimẹ, anị Hushim ḅe-ẹ.

¹³Naftalaị ḅe inein-a owuapụ awọ ọ̀ nwọ yimẹ: Jazịẹl ḅe na, Gunaị ḅe na, Jiza ḅe na, pịkị Shalọm ḅe na. (Ini Bilha ma furo ḅie apụ-ẹ.)

¹⁴Ori na ịgwa Aram eremeniḅọ ma ḅụlọ ḅụ Manasẹ ḅe mama owuapụ awọ ọ̀ nwọ yimẹ, Asriẹl ḅe na Meka ḅe na. Meka ḅe anị Giledị ḍaḅe-ẹ.

¹⁵Meka ḅe gbọrị eremeniḅọ ọ̀ nwọ ḍọkị Hupim ḅe pịrịmẹ, ọ̀ pịkị gbọrịḅọ ḍọkị Shụpim ḅe pịrịmẹ. Nụmbụrarọ ma ẹrẹ Meaka. Meka maịn karama owutọkụ ḅe ẹrẹ Zẹlofẹhad, eremeni awọ kẹngẹ anị ò yiye-ẹ.

¹⁶Meaka, Meka ta ma, mama owuapụ awọ á nwọ yimẹ, ini nwọse ini chịnmẹ Pẹrẹs na Shẹrẹs na. Pẹrẹs ḅe mama owuapụ awọ ọ̀ nwọ yimẹ, Ulam ḅe na Rekẹm ḅe na,

¹⁷se Ulam ḅe pịkị gbọrị owutọkụ nwọ yimẹ oria ẹrẹ Bidan. Mịna apụ mamgba Giledị furo ḅie apụ-ẹ, Meka yaḅe, oria opuḍaḅọ anị Manasẹ ḅe-ẹ.

¹⁸Giledị ḅe nụmbụrarọ Hamolẹkẹt ma tẹrẹ-a owuapụ awọ á nwọ yimẹ: Ishọd ḅe na, Abaịeza ḅe na, pịkị Mala ḅe na.

¹⁹(Shẹmaịda ḅe inein-a owuapụ awọ ọ̀ nwọ yimẹ: Ahịan ḅe na, Shẹkẹm ḅe na, Likhaị ḅe na, pịkị Anịam ḅe na.)

²⁰Mịna apụma anị Ifrem furo ḅie apụ ma-ẹ ḅụọ ḅụọ ḅụ: Shutẹla ḅe na, Birẹd ḅe na, Tehat ḅe na, Ẹliada ḅe na, Tehat ḅe na,

²¹Zebad ḅe na, Shutẹla ḅe na. Ifrem ḅe jịn mama owuapụ awọ ọ̀ nwọ yimẹ Shutẹla ḅe sikima ọkụma: Iza ḅe na, Ẹliad ḅe na, anị Gat mị ḅie anga amakuḅu apụma namama ini nwọ furu-ẹtọn sịkịḅụ ini ḅaa apụ ma-ẹ.

²²Inia ḍa Ifrem ḅe ọ̀ ḍụẹịn ḍin ini pịrị mun tọn-a ḍin nwọ lamẹ, se oria mịnapụ owuapụma ḅo ò kuḅie kụrọmamẹ.

²³Anịsịkị ọ̀ pịkịna tarọ ma na gbolomamẹ se á simekọn pịkị gbọrị owutọkụ nwọ yimẹ. Ini nwọse ọ̀ chịnmẹ Biraịa, anị furo mị ḅie ḅo ḅụfụka mị ẹrẹchị.

²⁴Ifrem ḅe gbọrị eremenitọkụ ọ̀ nwọ yimẹ Shiera anị árịa ẹrẹ-ẹ. Ọgọnọ na chuku na Bẹt Horọn amama na, pịkị Uzẹn-Shiera mị na árị pakụmamẹ.

²⁵Ifrem ḅe ọ̀ pịkị jịn gbọrị owutọkụ yimẹ oria ẹrẹ anị Rifa, mịna apụma anị ò furo ḅie apụ ma-ẹ: Rishẹf ḅe na, Tela ḅe na, Tehan ḅe na,

²⁶Ladan ḅe na, Amaịhud ḅe na, Ẹlishama ḅe na,

²⁷Nọn ḅe na, Jọsụwa ḅe na.

²⁸Ini ọkị anga eke mị anị Bẹtẹl mị na anị kelema koro amama na-ẹ, ọkịmun ịrụapakapaka nyọ daọrụ ḅụ Nearan mị la pịkị ọkịmun Gaza mị na anị kelema koro ama mamgba na nwọ la, Shẹkẹm mị na Aya opuamama na pịkị àrị kelema koro amama sọnị anịa ḅụ simemẹ.

²⁹Manasẹ furo ḅie apụma ḅara ḅie anị Bẹt Shan mị na, Teanak mị na, Mẹgido mị na pịkị Do opuamama na simeye-ẹ pịkị àrị kelema koro amama na. Mịna apụ mamgba anị Jekọb ya Josẹf furo ḅie apụma anga nyọ ma-ẹ.

³⁰Mịna apụma anị Asha furo ḅie apụ ma-ẹ. Inein-a owuapụ awọ ọ̀ nwọ yimẹ: Imna ḅe na, Ishva ḅe na, Ishvaị ḅe na, pịkị Biraịa ḅe na; pịkị gbọrị eremenitọkụ, Sera ma na.

³¹Biraịa ḅe mama owuapụ awọ ọ̀ nwọ yimẹ, Hiba ḅe na pịkị Malkịẹl ḅe na. (Malkịẹl ḅe Bazeit opuama mị pakụmamẹ.)

³²Hiba ḅe tẹrẹ-a owuapụ awọ ọ̀ nwọ yimẹ: Jaflẹt ḅe na, Shoma ḅe na, pịkị Hotam ḅe na; pịkị gbọrị eremenitọkụ, Shụa ma na.

³³Jaflẹt ḅe sọnị tẹrẹ-a owuapụ awọ ọ̀ nwọ yimẹ: Pasak ḅe na, Bimhal ḅe na, pịkị Ashvat ḅe na.

³⁴Numbireowu Shoma ḅe tẹrẹ-a owuapụ awọ ọ̀ nwọ yimẹ: Roga ḅe na, Jẹhoba ḅe na, pịkị Eram ḅe na.

³⁵Numbireowu Hotam ḅe inein-a owuapụ awọ ọ̀ nwọ yimẹ: Zofa ḅe na, Imna ḅe na, Shilẹsh ḅe na, pịkị Emal ḅe na.

³⁶Mịna apụma anị Zofa furo ḅie apụ ma-ẹ: Sua ḅe na, Hanẹfa ḅe na, Shụal ḅe na, Biraị ḅe na, Imra ḅe na,

³⁷Biza ḅe na, Họd ḅe na, Shama ḅe na, Shilsha ḅe na, Itran ḅe na, pịkị Biera ḅe na.

³⁸Mịna apụma anị Jẹta furo ḅie apụ ma-ẹ: Jẹfunẹ ḅe na, Pispa ḅe na, pịkị Ara ḅe na,

³⁹mịna apụma anị pịkị Ụla furo ḅie apụ ma-ẹ: Ara ḅe na, Haniẹl ḅe na, pịkị Riziya ḅe na.

⁴⁰Mịna apụ mamgba Asha furo ḅie apụ-ẹ. Ini anị furoma ḅie tịḅịdapụ ma-ẹ, ẹrẹso owusọ ḍin apụ pịkị tọrụpaka tịḅịnị-ẹ. Asha furo ḅie apụma inia kịẹnḅịpị tẹrẹ-a poku na kịnị-a sọnọ ẹndẹ lamẹ ineda ọmụgbin lasa owuapụma ḅụ.