Read kirikeni Ẹzra 2 Bible Online

Ẹzra 2 - kirikeni bible

Ẹzra 2

¹Ini owu ḅie desin Babilọn sẹma ḅie mun apụma ḅụ ḅakapụ pịkịmaso Jerusalẹm na Juda na mun mẹ, se ọrụḅọḅọ so mịna warị mun mẹ. Amanyanaḅọ Nebukadneza ḅe, owu ḅie ikoliapụ ḅaraḅụ ini desin Babilọn mun sịkị ngịsị, anịju ini inia furoma na angamẹ.

²Inia tịḅịnịma anị Zẹrubabẹl, Jọsụwa, Nẹhimaya, Sẹraịya, Rielaya, Mọdẹkaya, Bilshan, Mispa, Bigvaị, Rihọm ḅe na, pịkị Beana ḅe na-ẹ. Mịn inia kịẹnḅịpị la ọkụ-ẹ, ini owu ḅie Izrẹl sẹma ḅie desin se pịkịmaḅo apụma:

³Parọsh — kịnị-a sọnọ ẹndẹ nine asi oyi fịnjị na mamapụ na Shẹfataịya — jie asi tesi oyi fịnjị na mamapụ Ara — sisọnọ fịnjị ofori mẹndẹ Pahat Moab (Jẹsụwa na Joab na awọ) — kịnị-a sọnọma ẹndẹ na oyimaịn-apụ fịnjị Ilam — kịnị-a tẹrẹ ẹndẹ kịnị-a mesi oyi fịnjị na inein apụ Zatu — kịnị-a mẹndẹ sọnọmasi fịnjị na sọnọ apụ Zakaị — kịnị ẹndẹ na jieasi fịnjị na tesi Banaị — kịnị ẹndẹ na oyiasi na mesi mamapụ fịnjị Bebaị — kịnị ẹndẹ na oyiasi na sitẹrẹ apụ fịnjị Azgad — kịnị-a tẹrẹ ẹndẹ na si mamapụ fịnjị Adonaịkam — kịnị ẹndẹ oyiasi na ineinfa tesi oyi fịnjị Bigvaị — kịnị-a sọnọ ẹndẹ na ineinfa tesi Adin — kịnị ẹndẹ mesi oyi fịnjị na inein apụ Ata (oria jịn ẹrẹ anị Hẹzekaya) — maịnfa kịnị-a sọnọasi Bẹzaị — kịnị-a jieasi sitẹrẹ apụ fịnjị Jora — kịnị-a sọnọasi oyi fịnjị na mamapụ Hashọm — kịnị-a oyiasi na sitẹrẹ apụ fịnjị Giba — sọnọfa kịnị-a sọnọasi.

²¹Mà amama ḅie anga olomu-a ḍapụma inia awọma sọnị ini pịkịmasomẹ: Bẹtlihẹm — kịnị-a sonioasi na tẹrẹ apụ na-ẹ Nẹtofa — ineinfa kịnị-a tesi Anatọt — maịnfa kịnị-a sonioasi oyi fịnjị Azmavẹt — kịnị-a mesi mamapụ fịnjị Kiriat Jearim na, Kẹfaịra na Bierọt na — kịnị ẹndẹ jieasi na mesi tẹrẹ fịnjị Rema na Giba na — kịnị ẹndẹ oyiasi na sigbọrịḅọ fịnjị Mikmash — kịnị-a sonioasi na mamapụ fịnjị Bẹtẹl na Eaị na — kịnị oyiasi na sitẹrẹ apụ fịnjị Nebo — kịnị-a mesi oyi fịnjị na mamapụ Magbish — inein apụ ofori kịnị nine asi Ísí Ilam apụma — kịnị-a tẹrẹ ẹndẹ mesi oyi fịnjị na inein apụ Harim — kịnị-a jieasi na si apụ Lọd na Hadid na pịkị Ono na — kịnị ẹndẹ jieasi na sisọnọ apụ fịnjị Jẹriko — kịnị-a jieasi na sọnọfa mesi oyi fịnjị Senea — kịnị esenie-a ẹndẹ na soi fịnjị.

³⁶Mà anị ini owu ḅie desin se pịkịmaḅo agbamịẹapụma, inia sẹma na kịẹnḅịpị ma na-ẹ: Jẹdeya (Jẹsụwa furo ḅie awọ) — tẹrẹfa soi ofori kịnị mẹndẹ oyiasi fịnjị Ima — kịnị-a mẹndẹ oyiasi na mesi oyi fịnjị na mamapụ Pashọ — kịnị-a tẹrẹ ẹndẹ na tẹrẹfa mesi oyi fịnjị Harim — kịnị-a mẹndẹ oyiasi na tẹrẹfa si apụ fịnjị.

⁴⁰Livaị sẹ apụ ḅụ desin ḅụ pịkịmaḅo apụ: Jẹsụwa na Kadmịẹl na (Họdavaya furo ḅie awọ) — tesi oyi fịnjị na inein apụ Oputẹkẹwarị ḅie nime chuapụ (Esaf furo ḅie awọ) — maịnfa kịnị-a sonioasi oyi fịnjị Oputẹkẹwarị koruapụ (Shalọm na, Ata na, Talmọn na, Akọb na, Hatita na pịkị Shobaị ḅe na furo ḅie awọ) — gbọrịyefa kịnị-a sọnọmasi.

⁴³Oputẹkẹwarị ḅie fịrịnwẹngị sime se ini desin se pịkịmaḅo sẹ apụma: Ziha na, Hasufa na, Tabaọt na, Kirọs na, Siaha na, Padọn na, Lebana na, Hagaba na, Akọb na, Hagab na, Shamlaị na, Hanan na, Gidẹl na, Gaha na, Reaya na, Rezịn na, Nẹkoda na, Gazam na, Ọza na, Pasia na, Besaị na, Asna na, Meụnịm na, Nẹfisim na, Bakbọk na, Hakufa na, Hahọ na, Bazlọt na, Mehida na, Hasha na, Bakọs na, Sisera na, Tema na Nezaịya na, pịkị Hatifa na.

⁵⁵Sọlọmọn fịrịnwẹngịapụma ḅụ desin ḅụ pịkịmaḅo sẹma: Sotaị na, Hasofirẹt na, Peruda na, Jeala na, Dakọn na, Gidẹl na, Shẹfataịya na, Hatil na, Pokirẹt Hazabaịm na, pịkị Amaị na.

⁵⁸Oputẹkẹwarị ḅie fịrịnwẹngịapụma furo ḅie apụma na pịkị Sọlọmọn fịrịnwẹngịapụma furo ḅie awọma na kịẹn gboloma ọkụma inimgba nine apụ ofori kịnị ẹndẹ anị ini owu ḅie desin apụma ḅụ pịkịmaḅoye-ẹ.

⁵⁹Inia ḅie kịnị chịn soi na mesi oyi fịnjị na mamapụ na: Dilaịya na, Tobaya na, pịkị Nẹkoda na sẹ apụ ḅụ pịkịmaḅoye-ẹ. Mịna amama ḅie mị ini ḅoye-ẹ. Tẹl Mela na, Tẹl Hasha na, Kerọb na, Adan na, pịkị Ima na ḅie, ọkụma ini ineda ḍuko se anị nweni-a ḅụ okorokẹ na ini sọnị Izrẹl furo ḅie awọ-ẹ nwọḅẹye mị.

⁶¹Mịọkụ ẹrẹ nwọ goḅịa agbamịẹapụma Izrẹl sẹma ḅie ini ḅo furoma ḅe-a ḍiri ofori-ẹ: ini anị Habaịya ḅe na Hakọz ḅe na pịkị Bazilaị ḅe na. (Mịna agbamịẹapụma inia ḅieju-ḍaḅọ ḅe Bazilaị sẹ ḅie Giledị gbọrị eremeniḅọ na simemẹ, se tarọ ma ḍaḅe sẹ mị ẹrẹ mị nwọ fịmẹ.) Ini nwọ ineda inia ḅieju-ḍaḅọ ḅe ḅo ọkụ nemika sịkị, ini ini ọkịkẹ agbamịẹapụ ḅaraḅụ.

⁶³Juapụ gọvịna ḅe nwọse ini ḅẹmẹ na Ụrịm na Tụmịm na se fịrịnwẹngịḅịa agbamịẹḅọ ḅoka simeogbo ini se ḍiepịrịaye ḅụ agbamịẹ Tamụnọ pịrị fịayema ini fịẹkẹ.

⁶⁴Owu ḅie ini desin se pịkịmaḅoapụ mamgba ḅe kịẹn ḅịpị, kịnị-a sọnọ-a poku sọnọ ẹndẹ jieasi fịnjị na tesi. Inia fịrịnwẹngịapụ, ama na ere na - mẹndẹfa gbọrị poku na tẹrẹfa sọnọmasi Nime chuapụ - ama na ere na - kịnị oyiasi Asụn ma - ẹndẹ na jieasi fịnjị na ineinfa asụn-a mesi Owoi nambulo - oyimaịn chịn fịnjị na sọnọ Ike-nambulo - ẹndẹ na sọnọfa mesi Yepụra asụn - tẹrẹ ẹndẹ na iniasi fa gbọrị poku.

⁶⁸Ini owu ḅie desin se pịkịmaḅoapụ ma ḅo Jerusalẹm ḅie Nyanaḅọ Ḅe Oputẹkẹwarị mị sime nyọ lasịkị, sẹma ḅie tịḅịnịma ḅụ ḍapụ ḅakama ḅara pakụma se ḅarachụa Oputẹkẹwarị mị namaḅịaye nwọ pịrị pakụmamẹ, anịa olomu kiri ḅụ mị ini pịkị kpoto anị nama ḍọkịye-ẹ.

⁶⁹Inia ịnyọ la-ọkụ ini nwọse ye pịrị pakụmamẹ mị fịrị mị gose, pakaḅoaye goli ḅụ okpokpo-a ẹndẹ sọnọasi fịnjị, seleḅa okpokpo-a sọnọma ẹndẹ, anịsịkị agbamịẹapụ opu koro ḅụchụaye mamgba sọnọasi-ẹ.

⁷⁰Agbamịẹapụma na, Livaị apụma na pịkị tomonima ḅụ dapụ na Jerusalẹm ḅie na anị na kpeki-a nyọma ḅụ simemẹ, nime chuapụ ma na, Oputẹkẹwarị koruapụma na, Oputẹkẹwarị ḅie fịrịnwẹngịapụma na; anịna kpeki amama ḅie simemẹ; se kirikọn Izrẹlapụma inia ḅieju-aḍapụma anga amama ḅie angamẹ.