Read kirikeni Nẹhimaya 11 Bible Online

Nẹhimaya 11 - kirikeni bible

Nẹhimaya 11

¹Tịḅịnị ma Jerusalẹm ḅie ini angamẹ, kiri kọn ísí-a tomonima ịkịan wakịmẹ, seni oyi-a kiri ḅie gbọrị kiri ḅụ gbọrịḅọ gbọrịḅọ, sẹlẹ pakụmaḅo se mun osiḅụ sime opuama Jerusalẹm ḅie angaḅịa ḅara, anịsịkị ísíapụma ísí opuamama na, amama na ḅie angaḅịa.

²Tomonima, ini tokoni ḅịpị seni mịnaḅụ ḅereni se mun Jerusalẹm ḅie angaḅọ goyegoye pịrịmẹ.

³Ísí amama na, opuamama na ḅie, Izrẹlapụma na, agbamịẹapụ na, Livaị apụma na, Oputẹkẹwarị fịrịnwẹngịapụma na, pịkị Sọlọmọn fịrịnwẹngịapụma furo ḅie awọma na; inia amama ḅie ini ḅarana nyana nyọma ḅụ ini angamẹ. Mịna tịḅịnịma anị Juda mị ḅụ gbọrị ịkpangị ḅụ ọkịmun Jerusalẹm ḅie ḅụọ-chịẹma angapụ ma-ẹ.

⁴Ataịya, Ọzaya tọkụ, oria opuḍaḅọ anị Zẹkaraya ḅe-ẹ. Oria ḅieju-aḍapụ ḅụ jịn apụ anị Amaraya, Shẹfataịya ḅe na pịkịna Mahalalẹl ḅe na, ini anị Juda tọkụ Pẹrẹz furo ḅie awọ-ẹ.

⁵Measaya, Barọk tọkụ, oria opu ḍaḅọ anị Kolhoze ḅe-ẹ. Oria ḅieju-aḍapụ ḅụ jịn apụ anị Hazeya, Adaịa, Joiarib ḅe na pịkịna Zẹkaraya ḅe na, ini Juda tọkụ Shila ḅe furo ḅie apụ-ẹ.

⁶Pẹrẹz furo ḅie awọ ḅụ kịnị ẹndẹ na mamapụ fa kịnị-a tesi oyi fịnjị, ẹrẹsoapụ owuni ḅụ Jerusalẹm ḅie angamẹ.

⁷Salu, Mẹshụlam tọkụ Joed ḅe oria opuḍaḅọ-ẹ. Oria ḅieju-aḍapụ ḅụ jịn apụ anị Pẹdaya, Kolaya, Measaya Itiẹl ḅe na pịkịna Jẹshaya ḅe na.

⁸Gabaị ḅe na Salaị ḅe na Salu ḅe oria opu mịnapụ-ẹ. Inimgba kịnị-a mẹndẹ sọnọasi na maịnfa kịnị soi, Bẹnjamin sẹ ḅie apụ ḅụ Jerusalẹm ḅie angamẹ.

⁹Zikraị tọkụ Joẹl ḅe inia tịḅịnịḅọ-ẹ, anịsịkị Hasenua tọkụ Juda ḅe anị opuama mị ḅie tịḅịnịḅọ ḅe ḅụ maịn karamaḅọ-ẹ.

¹⁰Joiarib tọkụ Jẹdeya ḅe na Jakịn ḅe na-ẹ.

¹¹Hilkaya tọkụ Sẹraịya, opuḍaḅọ Mẹshụlam ḅe-ẹ, oria ḅieju-aḍapụ ḅụ jịn apụ anị Zadọk, Mẹraịọt ḅe na pịkịna Ahaịtọb Gele Agbamịẹḅọ ḅe na.

¹²Inimgba kịnị-a mẹndẹ si mamapụ fịnjị, anị mị sẹ mị ḅie Oputẹkẹwarị fịrịnwẹngịapụ ma-ẹ. Jeroham tọkụ Adaịa ḅe, oria opuḍaḅọ Pẹlalaya ḅe-ẹ. Oria jịn ḅieju-aḍapụ anị Amzaị, Zẹkaraya, Pashọ ḅe na pịkị Malkaịja ḅe na-ẹ.

¹³Inimgba kịnị-a oyimaịn chịn fịnjị na mamapụ na, anị mị sẹ ḅie furoma ḅe tịḅịnị ma-ẹ. Azarẹl tọkụ Amashsaị ḅe oria opuḍaḅọ Azaị ḅe-ẹ. Oria jịn ḅieju-aḍapụ Mẹshilẹmọt ḅe na Ima ḅe na-ẹ.

¹⁴Mịn sẹ mị ḅie maịnfa kịnị-a sonioasi oyi fịnjị anị ẹrẹso owuni ma-ẹ. Inia tịḅịnịḅọ Zabdịẹl ḅe opu furoma ḅie gbọrịḅọ-ẹ.

¹⁵Shẹmaịya, Hashọb tọkụ, oria opuḍaḅọ Azrikam ḅe-ẹ. Oria ḅieju-aḍapụ Hashabaya ḅe na Bunị ḅe na-ẹ.

¹⁶Shabetaị ḅe na, Jozabad ḅe na anị Oputẹkẹwarị mị kelema nụngọ ḅụ fịrịnwẹngịapụma ḅụ tọrụpaka Livaị tịḅịnị ma-ẹ.

¹⁷Maịka tọkụ Matanaya ḅe, oria opuḍaḅọ Zabdaị ḅe, Esaf furo ḅie ḅọ-ẹ. Ori mị Oputẹkẹwarị mị ḅie mịẹḅaka ḅẹ nime chuchuapụ ma inia tịḅịnịḅọ-ẹ. Bakbukaya ḅe, Matanaya ḅe palịmẹ. Shamua tọkụ Abda ḅe oria opuḍaḅọ Galal ḅe Jẹdutọn furo ḅieḅọ-ẹ.

¹⁸Inimgba kịnị-a eseniasi na inein apụ fịnjị Livaị apụ osi-nyana-Jerusalẹm opuama mị ḅie angamẹ.

¹⁹Akọb na Talmọn na, inia mịnapụma na, inimgba kịnị-a nineasi oyi fịnjị na mamapụ na-ẹ.

²⁰Kiri kọn ísí Izrẹlapụma na, kọn agbamịẹapụma na Livaị apụma na, Juda ḅie jịn-a opuamama ḅie na, amama ḅie na, ini ḅarana-nyana nyọma ḅụ ini angamẹ.

²¹Oputẹkẹwarị fịrịnwẹngịapụma Jerusalẹm ḅie gbọrị pẹkẹrẹ Ọfẹl nwọ chịn nyọ ḅụ ini angamẹ, seni Ziha ḅe na Gishpa ḅe na chuku ḅie ini fịrịnwẹngị-nwẹngịmẹ.

²²Livaị apụma tịḅịdaḅọ, Jerusalẹm ḅie angaḅọ anị Banaị tọkụ Ụzaị ḅe-ẹ. Oria opuḍaḅọ anị Hashabaya ḅe-ẹ. Oria ḅieju-aḍapụ Matanaya ḅe na Maịka ḅe na-ẹ, ori pịkị Esaf sẹ ḅieḅọ-ẹ, anị Oputẹkẹwarị ḅie fịrịnwẹngị sịkị ḅụ nime chuchu sẹ mị-ẹ.

²³Amanyanaḅọ warị ḅie ini tọn koromaye omi-ẹ, sẹma ḍinmaḍinma ḅụ ene ene ḅụ tịḅịda nime-chuchu ogbo mị pịrịpịrịḅịa apụ, Oputẹkẹwarị ḅie ini fịrịnwẹngịarị sịkịḅụ.

²⁴Mishẹzabẹl tọkụ Pẹtahaya, Zira sẹ ḅieḅọ ḅe anị Izrẹlapụma ẹrẹ ḅụ Pesia ḅẹrẹkọn warị ḅie simesimeye-ẹ.

²⁵Tọn apụ inia ozuma na kpekima angamẹ. Livaị sẹ ḅie apụma, Kiriat Aba na Dibọn na Jekabzịẹl na ḅie ini angamẹ, pịkịna mịna opuamama na kpeki ịwọ amama ḅie na.

²⁶Ini pịkịna Jẹsụwa na Molada na Bẹt Pilẹt na,

²⁷pịkịna Heza Shụal na pịkịna Biashiba na, anị kelema ịwọ amama ḅie na angamẹ.

²⁸Ziklag opuama mị ḅie ini angamẹ, Mẹkọna ḅie na anịa ịwọ amama ḅie na.

²⁹Enrimọn ḅie na, Zora ḅie na, Jamọt ḅie na,

³⁰Zanoa ḅie na, Adulam ḅie na, pịkịna mịna amama na kpeki ịwọ amama ḅie na. Lekish ḅie ini angamẹ pịkịna anị na kpeki ozuma ḅie na, pịkịna Azika na anịa ịwọ amama ḅie na. Anị mị fieaḅẹ na Judapụma Biashiba mị seni chukuda ḅụ na Hinọm Pẹsịkiri mị seni ọgọnọda ḅe ogboku ini angamẹ.

³¹Bẹnjamin sẹ ḅie apụma Giba ḅie na Mikmash na Eaị na, Bẹtẹl na pịkị àrị na kpeki ịwọ amama ḅie na ini angamẹ.

³²Anatọt, Nọb, Ananaịya,

³³Hezọ, Rema, Giteim,

³⁴Hadid, Zẹboịm, Nabalat,

³⁵Lọd na, Ono na, pịkịna Ḅarafịrịnwẹngịapụ Pẹsịkiri mị ḅie na.

³⁶Livaị apụma ḅie da ḅaka apụ Juda nyọma ḅie anga simeapụma mun Bẹnjamin apụma ḅie angaḅịa nyọ ini nwọse ini pịrịmẹ.