Read kirikeni Nẹhimaya 7 Bible Online

Nẹhimaya 7 - kirikeni bible

Nẹhimaya 7

¹Mịọkụ onu mị kpoto namasosam, onu ḅọkọ mamgba wa seni arịa kiriḅụ chụasam, Oputẹkẹwarị koruapụma na fịafịa-nime-chuchu-apụ ogbo mị na, pịkịna ísí Livaị apụma sọnị inia fịrịma wa tọn ini pịrịsam.

²Jerusalẹm opuama mị ḍikiḍikiḅịa mama tịḅịnị à nwọ tọn koromamẹ, mbire Hananị ḅe na pịkịna Hananaya owuni-kụrọ-warị mị ḍikiḍikiarị ọmụogbo tịḅịnịḅọ ḅe na. Hananaya ḅe anị kuḅie-se-ḅụgbana pịkị Tamụnọ ḍikiḅalafaḅọ-ẹ, seni ori otomaḅịaḅọ ofori-ẹ.

³À ḍuko ini pịrịmẹ na Jerusalẹm onu ḅọkọ ma dede ḅie ini finjima ọkịmun ịrụa mị iḅiọkụma-ḅịa-pakaḅo sịkị la, ini pịkị iḅiọkụma àrị gbẹịn se àrị ịkasị nyọ koruapụma, ịrụa mị bin se ma sọka simeogbo. À pịkịna ḍuko ini pịrịmẹ na Jerusalẹm ḅie angapụma ḅie ini nyọ koruapụ tọn; ini pịkị dapụ seni sosikima ini koruḅịa nyọḅụ koroma, ísíapụma pịkị nwẹngị nwẹngị inia warịma kelema.

⁴Jerusalẹm mị ḍụḅa opuama-ẹ, ọkụma tomoni opuma anịa ḅie angakẹ, warịma pịkị opuma namakẹ.

⁵Tamụnọ Ḅe ị̀ mịẹse à tomonima na, ḅẹrẹtọn apụma na, fịrịtịḅịnị ma na, koḅiri se furofuroḅụ ini la-ọkụ ḍiri mị ḅie à nwọ nemimẹ. Kunḅaraḅie tatarị pịkịmaḅoapụ ma ḍiri mị à nwọ ọrịḅomẹ, mịn anị à ḍọkịḅoye mị-ẹ:

⁶Ini kụrọḅarase-desin apụma ḅie tọn tọn-a tomoni Babilọn ḅie ḅụ ị̀rị̀na-so Jerusalẹm na Juda na ḅomẹ, ọrụḅọḅọ so nụḅọ opuama mun mẹ. Inia furoma, Amanyanaḅọ Nebukadneza ḅe ikoliapụ ḅaraḅụ ini kunso Babilọn mun sịkị ngịsị ini anịju angamẹ.

⁷Inia tịḅịnịma anị Zẹrubabẹl, Jọsụwa, Nẹhimaya, Azaraịya, Reamaya, Nehamenaị, Mọdẹkaya, Bilshan, Mispẹrẹt, Bigvaị, Nehọm pịkị Beana ḅe na.

⁸Mịn anị sẹsẹ ma ḅe kịẹnḅịpị la-ọkụ-ẹ, pịkị ini desin se sẹsẹ ḅụ pịkịmaḅo apụma kịẹnḅịpị la-ọkụ-ẹ: Parọsh — kịnị-a sọnọ ẹndẹ nineasi oyi fịnjị na mamapụ Shẹfataịya — kịnị-a jieasi, tesi oyi fịnjị na mamapụ Ara — kịnị ẹndẹ oyiasi, mesi oyi fịnjị na mamapụ Pahat Moab (anị Jẹsụwa na Joab na furo ḅie apụ-ẹ) — kịnị-a sọnọma ẹndẹ na mamapụ fasi Ilam — Kịnị-a tẹrẹ ẹndẹ, mesi oyi fịnjị na inein apụ Zatu — Kịnị-a mẹndẹ sọnọfa mesi oyi fịnjị Zakaị — Kịnị ẹndẹ jieasi fịnjị na tesi Binuị — Kịnị ẹndẹ oyiasi na maịnfa mesi oyi fịnjị Bebaị — Kịnị ẹndẹ oyiasi fịnjị na maịnfa soi Azgad — Kịnị-a sọnọ ẹndẹ jieasi na si mamapụ fịnjị Adonaịkam — Kịnị ẹndẹ oyiasi na tẹrẹfa tesi oyi fịnjị Bigvaị — kịnị-a sọnọ ẹndẹ na tẹrẹfa tesi oyi fịnjị Adin — Kịnị ẹndẹ oyiasi fịnjị na sọnọfa tesi Ata (oria jịn ẹrẹ Hẹzekaya) — Maịnfa kịnị-a sọnọasi Hashọm - Kịnị-a jieasi na maịnfa soi Bẹzaị - Kịnị-a jieasi na si inein fịnjị Harif — Kịnị-a sọnọasi oyi fịnjị na(...)

²⁶Mịna amama ḅie anga olomu-aḍapụma awọma sọnị pịkịmaḅo apụ-ẹ: Bẹtlihẹm na Nẹtofa na — Maịnfa kịnị-a eseniasi oyi fịnjị Anatọt — Maịnfa kịnị-a sonioasi oyi fịnjị Bẹt Azmavẹt — Mesi mamapụ fịnjị Kiriat Jearim na, Kẹfaịra na, Bierọt na — Kịnị ẹndẹ jieasi na mesi tẹrẹ fịnjị Rema na Giba na — Kịnị chịn soi gbọrị chịn fịnjị na gbọrịḅọ Mikmash — kịnị-a sonioasi mamapụ fịnjị Bẹtẹl na Eaị na — Sonioasi tẹrẹ apụ fịnjị Ísí Nebo mị — Kịnị-a mesi oyi fịnjị na mamapụ Ísí Ilam apụma — Kịnị-a tẹrẹ ẹndẹ, mesi oyi fịnjị na inein apụ Harim — Jieasi na si apụ Jẹriko — Kịnị-a jieasi, sọnọfa mesi oyi fịnjị Lọd na, Hedid na, Ono na — Kịnị ẹndẹ jieasi na si gbọrịḅọ fịnjị Senea — Kịnị-a esenie-a ẹndẹ jieasi fịnjị na soi

³⁹Mịna apụma anị sẹma ḅie ini desin seni pịkịmaḅo agbamịẹ apụ ma-ẹ: Jẹdeya (Jẹsụwa furoḅie apụ ḅụ) — Mẹndẹ sọnọasi fịnjị na tesi oyi fịnjị na tẹrẹ apụ Ima — Kịnị-a mẹndẹ oyiasi na mesi oyi fịnjị na mamapụ Pashọ — Kịnị-a tẹrẹ ẹndẹ na tẹrẹfa mesi oyi fịnjị Harim — Kịnị-a mẹndẹ oyi fịnjị na tẹrẹ apụ fa si

⁴³Mịnapụ ma anị Livaị sẹ ḅie desin ḅụ pịkịmaḅo apụ-ẹ: Jẹsụwa na Kadmịẹl na (Họdavaya furo ḅie apụ ḅụ) — Kịnị-a tesi oyi fịnjị na inein apụ Oputẹkẹwarị ḅie sime nime chuapụ (Esaf furo ḅie apụ) — Maịnfa kịnị-a sọnọmasi oyi fịnjị Oputẹkẹwarị koruapụ (Shalọm na, Ata na, Talmọn na, Akọb na, Hatita na, pịkị Shobaị na furo ḅie apụ ḅụ) — Maịnfa kịnị-a sọnọmasi

⁴⁶Sẹsẹ ḅụ Oputẹkẹwarị ḅie fịrịnwẹngịapụ ḅụ ini desin seni pịkịmaḅo apụ: Ziha, Hasufa, Tabaọt, Kirọs, Sia, Padọn, Lebana, Hagaba, Shalmaị, Hanan, Gidẹl, Gaha, Reaya, Rezịn, Nẹkoda, Gazam, Ọza, Pasia, Besaị, Meụnịm, Nefushesịm, Bakbọk, Hakufa, Hahọ, Bazlịt, Mehida, Hasha, Bakọs, Sisera, Tema, Nezaịya pịkị Hatifa na.

⁵⁷Sọlọmọn fịrịnwẹngịapụ sẹma ḅie desin ḅụ pịkịmaḅo apụ: Sotaị, Sofirẹt, Peraịda, Jeala, Dakọn, Gidẹl, Shẹfataịya, Hatil, Pokirẹt Hazabaịm na pịkị Amọn na.

⁶⁰Oputẹkẹwarị ḅie fịrịnwẹngịapụ furo ḅie apụ na pịkị Sọlọmọn fịrịnwẹngịapụ furo ḅie apụ ḅụ ini desin se pịkịmaḅo apụ mamgba laye nine apụ ofori kịnị ẹndẹ.

⁶¹Dilaịya na, Tobaya na Nẹkoda sẹma ḅie kịnị ẹndẹ oyiasi fịnjị na mesi mamapụ fịnjị anị Tẹl Mela na, Tẹl Hasha na, Cherub na Adọn na pịkịna Ima amama ḅie pịkịmaḅoye-ẹ, ọkụma ini sọnị Izrẹl furo ḅie apụ-ẹ ḅẹye mị, ini ineda ḍuko se anị tomonima ḅụ okorokẹ.

⁶³Mịna agbamịẹapụ sẹma ḍiri ḅie ini ineda, ini ḅara wẹrịma pakaḅo ọkụ ḍọkịḅokẹ. Habaịya na Hakọz na, pịkịna Bazilaị na. (Bazilaị agbamịẹ sẹ mị, anịa ḅieju ḍaḅọ ḅe, Bazilaị sẹ ḅie Giledị gbọrị eremeniḅọ ọ̀ nwọ simemẹ, se ọ̀ tarọ ma ḍa ḅe ẹrẹ mị fịmẹ.) Ini nwọ ineda inia ḅieju-aḍapụma pakaḅo ọkụ nemika sịkị layelaye, agbamịẹapụ ḅara ini nwọse ini ọkịkẹ.

⁶⁵Juapụ gọvịna ḅe nwọ ḍuko ini pịrịmẹ na ini seni ḍiepịrịaye agbamịẹ Tamụnọ pịrị fịaye ini fị ẹkẹ ọkịmun agbamịẹḅọ Ụrịm na Tụmịm na seḅo fịrịnwẹngị sịkị la.

⁶⁶Desin se pịkịmaḅo apụ mamgba ḅe kịẹnḅịpị, kịnị-a sọnọ-a poku, sọnọ ẹndẹ jieasi fịnjị na kịnị-a tesi. Inia fịrịnwẹngịapụ, ama-na-ere-na — kịnị mẹndẹ fa gbọrị poku na tẹrẹfa sọnọmasi Nime chuapụ, ama-na-ere-na — kịnị oyimaịn chịn fịnjị na sọnọapụ Asụn — Ẹndẹ jieasi fịnjị na ineinfa mesi Nambulo — Oyimaịn chịn fịnjị na sọnọ Ike-nambulo — Gbọrị ẹndẹ na sọnọ fa mesi Yepụra asụn — Tẹrẹ ẹndẹ sọnọasi fịnjị ofori gbọrị poku na si.

⁷⁰Tọn apụ ḅarachụa seni Oputẹkẹwarị mị, ḅo ḅụọ-nyana-chịẹ igbiki mị gbẹịnmẹ: gọvịna ḅe — oyiasi na tesi oyi fịnjị — goli okpokpo — mesi oyi fịnjị — alalị sịkị yefị-a bọlị — ẹndẹ na sonioasi na oyi fịnjị — agbamịẹ apụ koroḅụchụaye ọ̀ nwọ pakụmaḅomẹ Sẹsẹ tịḅịnịma — jieasi na tẹrẹfa mesi — goli okpokpo — sọnọ ẹndẹ oyiasi fịnjị na jie — seleḅa okpokpo Kirikọn ísíapụma se ḅoaye — maịnfa nineasi oyi fịnjị — goli okpokpo — sọnọma ẹndẹ na sonio asi na tẹrẹ — seleḅa okpokpo — tẹrẹfa tesi oyi fịnjị — agbamịẹapụ koro ḅụchụaye

⁷³Agbamịẹapụma na, Livaị apụma na, Oputẹkẹwarị koruapụma na, nime chuchuapụ ma na, tọn-a papa jịn-a tomoni na, Oputẹkẹwarị ḅie fịrịnwẹngị-nwẹngịapụ na—pịkịna Izrẹlapụ mamgba na—amama ḅie na Juda opuamama ḅie na ini ḅụkoroma simemẹ.