Read kirikeni Job 26 Bible Online

Job 26 - kirikeni bible

Job 26

¹Che iḅi ḅarachụa ị́ nwọ sọ ị̀ pịrị-ao— ị̀rị̀ igwein, pịkị ịnyọ ḅụ oforikaḅọ!

³Ị́rị́ nwọ sime iḅi tetema pịrịḅọ se ị́ya nemi se ị̀rị̀ na ḍiamẹ à sime ọkụ sime yenemikaḅọ?

⁴Ị́ chịn ḅara tụḅọ ị́ya ọkwẹịn mamgba naa ḅe? Tụḅọ ị́ jike sịsẹma se ị́ mị ḅara ọkwẹịn?

⁵Kiri chuku sime mengi ma ḅie sime fị apụma tẹmẹ ma geregeremẹ.

⁶Fị apụma sẹkiri mị anị finji ḅele mẹ Tamụnọ Ḅe tọrụkuḅu; ọ̀ tọrọkọ anị gbẹịn kikimaye ofori-ẹ.

⁷Tamụnọ Ḅe ọgọnọ ọrụ so mị ịsụn pakụmamẹ se tomonikiri mị se fo nyọ ḅụ sụkamẹ.

⁸Tamụnọ Ḅe anị mengi se soḅuno ma ḅeinmaye-ẹ se àrị ọlọchịẹmaye-ẹ mịẹse arịa iku mị àrị kan ẹka ḅara.

⁹Ori anị bebe akalụ mị ḅọịye-ẹ soḅuno mị ọḅụju.

¹⁰Ori anị kanakana mị ḅie enekuḅu mị pu sikimaye-ẹ kelekeleye se tọrụ mị ọgọnọ eke chụa ḅụ.

¹¹So mị ọlọchịẹma ịbama ọ̀ nwọ ẹrẹma sịkị, àrị jikemẹ pịkị ḅalafaḅụ geregeremẹ.

¹²Oria ịnyọ mị anị tọrụ mị nẹngịmamẹ; oria kpaịnma mịẹaye ḅụ mị ò mengi ḅie Rehab ojuju ḅe kankọsịmaye-ẹ.

¹³Oria ọwụ ḅụ mị so mị ḅịa ganịnịye-ẹ, se ọ̀ ḅara mị mangịsoarị ojuju ḅe ḅaamẹ.

¹⁴Ọkụma mà ma anị papa oria kụrọ ḅụ elekima-ẹ, anị miniminima wa naasaye-ẹ. Tụḅọ ineda nemiḅe Tamụnọ Ḅe opu mị jokoma sime ọkụ?