Read kirikeni Job 27 Bible Online

Job 27 - kirikeni bible

Job 27

¹À yekarịfịmẹ ḍumosime Kụrọmamgba Nyana Tamụnọ Ḅe ẹrẹ ḅụ, anị karakaraye mị ḅereni ị̀ pịrịka se ị̀ya ḍumo mịẹ akụmaḅọ ḅe—

³Tamụnọ Ḅe ọwụ se ị̀ pịrị sịkị goyegoye,

⁴ị̀ ḅịpị pẹkẹrẹ ma àrị siye fie-ẹkẹ, ị̀ ḅẹlẹ ngịsị iruokọn-ẹkẹ.

⁵Àrị ngịsị ḅẹ ẹkẹ na ọ́ karakaraye ḅụ omi-ẹ; à mịẹsa siye ofori ḅụ à chịẹ kụrọmaḅịa ọkịmun à fịḅịa ene la.

⁶À karakara ḅụ omi-ẹ nwọ ḅẹ ḅereni mị ḅụ ngịsị à ḅarasin ẹkẹ; ị̀ kuḅie warị fịafịamẹ.

⁷Ị̀rị̀ na tụḅụrụ se ị̀rị̀ na owu sọarịapụ mamgba ye ini fomuḅara da anị sitịḅịnyana pịkị karakarakapụ ma ḅara.

⁸Tamụnọ Ḅe ḅerenikapụ ma ini tọrụ se che ḍiki-ao Tamụnọ Ḅe inia ḍumo ḅi ḅịa sịkị?

⁹Ḅụfụka ḅo sịkị, Tamụnọ Ḅe ori inia owu ma naa ḅe?

¹⁰Mgbọkụ ò se ini pịrị ḅieḅẹlẹ mị inia ḅụḅẹlẹḅịa; mgbọkụ ini sịkịmamgba ọ̀ tẹkẹḅịa.

¹¹Ye à se ị́ ḍie Tamụnọ Ḅe kụrọ ḍụḅa la ọkụ, pịkị ḍuko finji Kụrọmamgba Nyana Tamụnọ Ḅe tọn saye mị.

¹²Ọkụma ẹn-ẹn, arịmgba gboloma, ómine na mịnaḅụ na ómine ọrịsam; anịọkụma ó che gose ọkọsime tịḅị oforikaye ḍuko?

¹³Mịn ḅara mị anị Kụrọmamgba Nyana Tamụnọ Ḅe sitịḅịnyana, kụrọayemịẹ owuapụma fomuḅara se ini pịrịpịrị ọkụ-ẹ.

¹⁴Ini ineda tọn-a owuapụ awọ nyanaḅịa, ọkụma inimgba ini ini ḅaafamaḅịa ọmụ ḅie; inia awọma ḅakama fịye nyana fịẹkẹ.

¹⁵Inia ḅie ḍumo apụma obi ḅụ ḅọrọ fịḅịa, se inia ḅụ deapụ koroma fịsapụ masọ inia ḍụẹịn-ḍin-ẹkẹ.

¹⁶Sitịḅịnyanaḅọ ḅe ineda tọn-a seleḅa nyana kịẹnḅịa ọ̀ pịkị ḅakama chụachụa ḅụchụaye nyanaḅịa;

¹⁷ọkụma karakaraye mịẹḅọ ḅe àrị ḅụchụaye ma chụaḅịa, se furufurukaḅọ ḅe àrị seleḅa ma nyana ọkịḅịa.

¹⁸Sitịḅịnyanaḅọ ḅe olokobiriḅa warị kịkẹ warị mị ọ̀ namaye-ẹ anịkanịka nyọ koru omoniḅọ okponga kịkẹ warị mị ọ̀ namaye-ẹ.

¹⁹Gbọrị kala sịkị ḅụ ini ngọ ḅie ḅọlọlọḅịa, se ini ḅo sịsẹ ḅịa sịkị, ini ọrịḅịa na inia ngọ mamgba fasosam.

²⁰Ḅalafamaye ḅụnemika ḅaraḅụ opu mengi chụa ḅoḅịa; ḍin ḅụ gbọrị fọrụ ḅo àrị ofurosinḅịa;

²¹ịrụapakapaka anga fọrụ mị àrị ọfịnsinḅịa inia warịma ḅie;

²²ḍikiḅụgerere oforika ḅaraḅụ anị inia tịḅị ọgọnọ fieḅịa ini ḅụkụrọma mangịsoarị ogbo.

²³Fọrụ mị inia tịḅị ogbo fieaḅẹ ini mangị àrị ogbo, anị nyọ kankọsịma kụrọ se inia ḅalafamamẹ.