Read kirikeni Job 8 Bible Online

Job 8 - kirikeni bible

Job 8

¹Ị́ya ọwụ-ọwụ-ọwụ ọkwẹịn ma ị́ kọnsosa?

³Tamụnọ Ḅe ngịsị ọ̀ karakaraye irima-irimakẹ; karakaraye mịẹ ḅụ ọ̀ gbakịḅịaye ofori-ẹ.

⁴Sosi ị́ya awọma Tamụnọ Ḅe ḅụ ini si nwẹngị kọnsam, anịẹrẹchị ini gbẹịn fomuḅara ọ̀ nwọse ini pịrịmẹ.

⁵Ọkụma mịọkụ vinpịkị se Kụrọmamgba Nyanaḅọ Ḅe na ḅẹrẹkọn;

⁶ị́ nemikase simịẹkẹ se karakara ḅara simemẹ nwọ ḅẹḅẹ, anịsịkị anị Tamụnọ Ḅe ḅo ḅarachụa ị́ pịrịḅịaye-ẹ se ị́ya warị kpo mị pịkịmaḅo ị́ pịrịḅịaye-ẹ ị́ya gbẹịnye ḅaraḅụ.

⁷Ị́ famasa ngọ mamgba ye sọ ẹkẹ árị seni Tamụnọ Ḅe seni ị́ pịrịḅịa ngọma na otomaḅụ.

⁸Gbọrị sịkị se olomu sịkị ḅe nemi mị se ḅiekoroma; mịna ḍapụma ḍawọ karakaraye ma se koroma ḅụ chu.

⁹Mịna ḍumo kpụlụmẹ, ngịsị wa gbọrịye sọ nemikẹ; tẹmẹ kiri ọgọnọ ḅọrọ ọkụ mị wa sẹkiri ḅọrọarị ọkụ-ẹ.

¹⁰Ọkụma ye olomu sịkị yenemi apụma yese ị́ ḍie; poki ini nyana ḍukoḅịa ayema:

¹¹“Osuein ineda paka ẹkẹ mengi oforika anga; mengi lọkọlọkọmasa kiri sikima ị́ jịn anga àrị ọrị ẹkẹ.

¹²Nemikase mengi fa kpalịlịmẹ ḅẹḅẹ, àrị anị tatarị nyọnịḅịaye-ẹ, ma àrị paka mun pẹlẹḅịa eke laka sịkị ḅụ.

¹³Tamụnọ nemikapụ ma ini àrị osueinma kịkẹmẹ; ini Tamụnọ se ḅieḅarama kirikiri, ini se ḅiekpọma ayema famẹ.

¹⁴Ini kuḅie se olokobiriḅa warị ḅụ gbanamẹ—anị papa iri mị.

¹⁵Ini nemikase olokobiriḅa warị ḅụ sẹrẹrẹ ọkụma, anị ineda ini dachịẹmaḅe? Ini iri ọlọ ọkụma, anị ḅarachụa ini ọlọ chịẹmaḅẹ?”

¹⁶Si-a tomoni ịrụa ḅie osuein so paka ọkụ pakamẹ, bebe ozu mgba kelema osuein ḅara.

¹⁷Arịa kuno ma ḍụparịma fangala kelemamẹ se kapụma ḍụparịma ọlọmẹ.

¹⁸Ọkụma àrị burasin— gbọrịḅọ sọ nemi ẹkẹ na anịju àrị sime ḅọrọsam.

¹⁹Iin, anị kẹngẹ anị siapụma nyana ḅieḅẹlẹ-ẹ; jịn apụ mịọkụ ḅo inia kiri ọkịmẹ.

²⁰Ọkụma Tamụnọ Ḅe jenejene ọ̀ karakaraye mịẹḅọ se sarakoroma koromakẹ, anịkanịka ọ̀ ḅarachụa si ḅọ ḅe pịrị ẹkẹ.

²¹Ori ị́ mịẹse ị́ ḍẹrị se ị́ pịkị olokuḅịa,

²²ọkụma ọ̀ ḅụgerere ọkịḅo ị́ ḍikiḅụnwọnwọ apụma tọrụ chụaḅịa, se pịkị sitịḅịnyanapụma warịma ḅarị sime ẹkẹ.