Read kirikeni Fịafịa Nime 110 Bible Online

Fịafịa Nime 110 - kirikeni bible

Fịafịa Nime 110

¹Nyanaḅọ Ḅe nwọse ị̀ nyanaḅọ Amanyanaḅọ ḅe ḅẹmẹ, “Mịanga, ị̀ya amaḅarangaḅụ sime ọkịmun ị́rị́na-tarakapụ ma à nwọ ọkịḅo ị́ ḅụọ chuku koroma sịkị la.”

²Zaịyọn ḅụ Nyanaḅọ Ḅe ori ị́ya amanyanaḅọ kụrọ mị ḍuko finjimaḅịa. “Ḅẹrẹtọn ị́rị́na-tarakapụ ma pịrị,” ọ̀ nwọ ḅẹmẹ.

³Ị́ ị́rị́na-tarakapụ ma na owusọḅịa ene, ị́ya tomonima ini ḅereni se ị́ ḅụ sọḅịa. Dede otita sara ọkụ ị́ya asẹmẹnị awọma ini fịafịa chịngịma ọgọnọ ị́ damaḅoḅịa.

⁴Nyanaḅọ Ḅe ọ̀ kụrọma yeḅerenimẹ, ọ̀ pịkị anị jine ọkị ẹkẹ: “Ị́ agbamịẹḅọ sọ gbasoḅịa Mẹlkizẹdẹk agbamịẹ ọrụ mị ḅie ḅụ.”

⁵Nyanaḅọ Ḅe ị́ya amaḅaranga ori omi-ẹ; ori ịganịsa ḅẹḅẹ ori amanyanapụ nẹngịmaḅịa.

⁶Ọ̀ ḅẹrẹkọn sẹ sẹma pịrịḅịa, ọ̀ pịkị fị oju akpakpa se owusọ ele mị ḅie ḅeinma ḅịa; ori amanyanapụ nẹngịmaḅịa bebe sẹkiri kelemakoro.

⁷Amanyanaḅọ ḅe ateli mị na kpeki ideri mengi mị ọ̀ nwọ ḅu, se ịnyọ nyana se ọmụḅaraiḅi nyanaḅịa.