Read kirikeni Fịafịa Nime 121 Bible Online

Fịafịa Nime 121 - kirikeni bible

Fịafịa Nime 121

¹À tọrụ dekichịẹma tụndụma ḍikimẹ; ị̀ya ḍụaḅọrọma ndeju ḅo ḅe?

²Ị̀ya ḍụaḅọrọma mị Nyanaḅọ Ḅe ḅụ wẹrị ḅoḅịa, so na sẹkiri na tẹmẹḅọ ḅe.

³Ò ḅereni ẹkẹ ị́ ḅịkị; ị́ya ḅụḅọịnyọ ḅe ọ̀ mọnọ mọnọkẹ, ọ̀ pịkị sịngị sịngịkẹ.

⁴Izrẹl mị kokoarịḅọ ḅe ngịsị ọ̀ sịngị sịngịkẹ, ọ̀ pịkị mọnọ mọnọkẹ.

⁵Nyanaḅọ Ḅe ori ị́ kikimaḅịa; ori ị́ya anga sịkịḅụ omi-ẹ ị́ ḍụaḅịa gose.

⁶Ịrụa mị enekaka ḅụ anị ị́ tẹịn ẹkẹ, anịkanịka akalụ mị sọ ḍin ḅụ yese ị́ mịẹ ẹkẹ.

⁷Nyanaḅọ Ḅe ḅalafama aye mamgba ḅie ori ị́ gbẹịnḅịa; ye ị́ la ẹkẹ.

⁸Ori ị́ gbẹịnḅịa ị́ya sọ na paka na ḅụ mịọkụ na sịkịmamgba na.