Read kirikeni Fịafịa Nime 130 Bible Online

Fịafịa Nime 130 - kirikeni bible

Fịafịa Nime 130

¹À ḅarị ngịsị mịẹ ḅịa ọkụ oforika sịkị ḅụ, ị̀ya ḅụḅalaḅala ma ḅie àrị ị́ chịn olokumẹ, Nyanaḅọ.

²Ị̀ya owu na, Yei Nyanaḅọ; ị̀ya ḅarachụa chịn ḅịpị mị poki!

³Ị́ ḅọrọnemikase mịna sima gịẹịn koromamẹ nwọḅẹ ọkụma, tụḅọ ineda ḅẹrẹḅara si ḅie pọkọḅe?

⁴Ọkụma ị́ si ḅụ ḅarasin wa pịrịmẹ, mịẹse wa ị́ ḍikiḅalafaḅịa ọkụ.

⁵À kuḅie chịẹ-chịẹ-chịẹ ḅara seni Nyanaḅọ Ḅe ḅarachụa mị korumẹ, à pịkị kuḅie se oria ọkwẹịn ḅụgbanamẹ.

⁶À Nyanaḅọ Ḅe korumẹ, àrị ịnyọ kpọma korutẹịn ḍin koru apụma tọrụ se eneḅa mị ḍiki ọkụ nẹngịmẹ— à korutẹịn ḍin koru apụma tọrụ se eneḅa mị ḍiki ọkụ nẹngịmẹ.

⁷Izrẹl, kuḅie se Nyanaḅọ Ḅe ḅụgbana, anịatịḅị oria ḅẹlẹma mị ḍinma nyanakẹ, ọ̀ pịkị sịkịmamgba ḅụkarakaramamẹ wa ḍụaḅịa gose.

⁸Ori oria tomoni Izrẹlapụma ḍụaḅịa inia si mamgba ḅieḅụ.