Read kirikeni Fịafịa Nime 136 Bible Online

Fịafịa Nime 136 - kirikeni bible

Fịafịa Nime 136

¹Ọ́ mịẹḅaka se Nyanaḅọ Ḅe, anịatịḅị ori iḅimẹ; oria ḅẹlẹma sime gbasomẹ.

²Ọ́ mịẹḅaka se oru mamgba ḅe Tamụnọ Ḅe ḅẹ; oria ḅẹlẹma sime gbasomẹ.

³Ọ́ mịẹḅaka se nyana apụ mamgba na Nyanaḅọ Ḅe ḅẹ; oria ḅẹlẹma sime gbasomẹ.

⁴Ori ngẹrị anị opu ḅụ buanma aye mịẹmịẹye-ẹ; oria ḅẹlẹma sime gbasomẹ.

⁵Oria nemi ḅụ ò so ma tẹmẹmẹ; oria ḅẹlẹma sime gbasomẹ;

⁶gbun mengi ma ọgọnọ ọ̀ sẹkiri mị namamẹ; oria ḅẹlẹma sime gbasomẹ.

⁷Ori mị ịrụa na akalụ mị na tẹmẹye-ẹ; oria ḅẹlẹma sime gbasomẹ;

⁸ịrụa mị ḅẹrẹtọn enekaka mị pịrịmẹ; oria ḅẹlẹma sime gbasomẹ;

⁹akalụ mị na lolia ma na ḅẹrẹtọn ḍin mị pịrịmẹ; oria ḅẹlẹma sime gbasomẹ.

¹⁰Ori Ijipt ḅie ini yi tatarị owuapụ awọma ḅaamẹ; oria ḅẹlẹma sime gbasomẹ.

¹¹Ori Izrẹlapụma ḅọrọma pakụmamẹ Ijipt ḅie; oria ḅẹlẹma sime gbasomẹ;

¹²oria kụrọḅara mị na ịnyọnyana ḅarakọngọ mị na ḅụ; oria ḅẹlẹma sime gbasomẹ.

¹³Ori Awụwụ Tọrụ mị pumẹ; oria ḅẹlẹma sime gbasomẹ;

¹⁴ori oria tomonima pamun anịa ḅie toluḅọrọmẹ; oria ḅẹlẹma sime gbasomẹ;

¹⁵ọkụma ori Ijipt amanyanaḅọ ḅe na oria owunima na simbi ḅaamẹ; oria ḅẹlẹma sime gbasomẹ.

¹⁶Ori oria tomonima pamun onwun ele ḅie toluḅọrọmẹ; oria ḅẹlẹma sime gbasomẹ.

¹⁷Ọ̀ kụrọ amanyanapụ ḅaamẹ; oria ḅẹlẹma sime gbasomẹ;

¹⁸ori ẹrẹ paka amanyanapụ ḅaamẹ; oria ḅẹlẹma sime gbasomẹ;

¹⁹Saịhọn, Amọraị amanyanaḅọ ḅe; oria ḅẹlẹma sime gbasomẹ;

²⁰pịkị Ọg, Bashan amanyanaḅọ ḅe; oria ḅẹlẹma sime gbasomẹ.

²¹Ori inia amama se oria tomonima pịrịmẹ; oria ḅẹlẹma sime gbasomẹ;

²²ori àrị se Izrẹl oria fịrịnwẹngịḅọ ḅe pịrịmẹ; oria ḅẹlẹma sime gbasomẹ.

²³Ómine se ḅieḅaramakẹ ini wa nẹngịma sịkị; oria ḅẹlẹma sime gbasomẹ;

²⁴ómine finmamẹ mine-na-taraka apụma ḅaraḅie; oria ḅẹlẹma sime gbasomẹ.

²⁵Ò fịaye se ọ̀ tẹmẹ ḍumo nyana aye goyegoye pịrịmẹ; oria ḅẹlẹma sime gbasomẹ.

²⁶Ọ́ mịẹḅaka se soḅie Tamụnọ Ḅe ḅẹ; oria ḅẹlẹma sime gbasomẹ.