Read kirikeni Fịafịa Nime 137 Bible Online

Fịafịa Nime 137 - kirikeni bible

Fịafịa Nime 137

¹Babilọn ideri mengi ma akaḅụ wa kpọnjị sime; owumẹ wa Zaịyọn mị se ḅiekoroma sịkị.

²Anịnyọ kpekima sime wilo chịnma ọgọnọ wa mịna ọbọ ma se sụkamẹ.

³Kụrọḅara se wa kunso apụma, wa ḅẹmẹ na wa nime chu-ẹ; ini wa ḅẹmẹ wa nime chu ini pịrị; “Zaịyọn ḅie nime ọ́ nwọ chu wa pịrị.”

⁴Nde wa ineda nime chu Nyanaḅọ Ḅe pịrịḅịa ọkụ jịn sẹ ḅie?

⁵Ye ngịsị à ḅarị ineda ọbọ farịma à nemikase ị́ se ḅieḅaramamẹ ḅẹḅẹ, Jerusalẹm!

⁶Ye ngịsị à ḅarị ineda nime chuma à nemikase ị́ se ḅiekoromakẹ ḅẹḅẹ, à nemikase ị́rị́ ị̀ya opu ḅieḅẹlẹ-ẹ ḅẹyemị ḅe koroma ị́ ḅụ nwọ kọnkẹ ḅẹḅẹ!

⁷Se ḅiekoroma, Nyanaḅọ, Idọm apụma mịẹye mị ini kụrọḅara se Jerusalẹm mị ọkị ene mị. Ini ọkwẹịnma ḅọrọarịye ma se ḅiekoroma, “Anị kan sara mun anịa chuku lama!” ḅẹ ye mị.

⁸Babilọn, ini ị́ kan kọsịmaḅịa. Ḅieḅẹlẹ sime ị́ se wa mịẹye mị se pịkịma ị́ gbẹịnḅọ ḅe pịrị—

⁹anị ị́ya kala awọmẹnị awọma ọkị, se inia tịḅị ma se ḍụparịma ḅụ gbin kọsịmaḅọ ḅe.