Read kirikeni Fịafịa Nime 14 Bible Online

Fịafịa Nime 14 - kirikeni bible

Fịafịa Nime 14

¹Yenemikapụ ma nwọse iniaḅụ ḅẹmẹ, “Tamụnọ ofori-ẹ!” Inimgba siapụ-ẹ, ọḅụ fị na jịn si aye na mịẹmịẹ apụ-ẹ, ini pịkị ḅalafama si aye mịẹsam; karakaraye mịẹarị gbọrịḅọ sọ inia ḅie ofori-ẹ.

²Nyanaḅọ Ḅe soḅie ḅụ ò tọrụ tu tomoni goyegoye ḍiki aḅẹ nwọfa inia ḅie yenemiḅọ ọ̀ nwọ ọrịḅịa-otuḅo, anị ọ̀ tẹkẹ arịḅọ.

³Ọkụma inimgba ini írí-tumgbomẹ; inimgba siḅụ ini gbọrịḅara simemẹ. Iniaḅie karakaraye mịẹarị gbọrịḅọ sọ ofori-ẹ, pa gbọrịḅọ sọ ofori-ẹ.

⁴“Ini nemika nọ?” Nyanaḅọ Ḅe ò gbelamẹ. “Mịna siaye ma mịẹ arịapụ mamgba mịẹmịẹaye nemikapụ nọ? Ị̀ya tomonima furuḅụ anị ini yekọnfịaye, ini pịkị ị̀ tẹkẹkẹ ngịsị.”

⁵Anịọkụma ini ḅụgbiripuma ḅalafamaye ọrịḅịa, anịatịḅị Tamụnọ Ḅe, ọ̀ ḅịpị poki apụma ori ini na omi-ẹ.

⁶Siaye mịẹmịẹ apụma ini ḅụ iderimaḅọ ḅe kuḅie tọn arịaye ma kikimẹ, ọkụma Nyanaḅọ Ḅe anị oria ḅọị nyọ-ẹ.

⁷À kụrọma tẹkẹmẹ na ọmụḅaraiḅi Zaịyọn ḅụḅo Izrẹl la. Izrẹlapụma inia ḅie opuma ḅẹlẹḅịa Nyanaḅọ Ḅe pịkị ini mịẹse ini ḅo lọkọlọkọ ḅie sọḅịa sịkị!