Read kirikeni Fịafịa Nime 23 Bible Online

Fịafịa Nime 23 - kirikeni bible

Fịafịa Nime 23

¹Nyanaḅọ Ḅe anana ḍikiḍiki ḅara ọ̀ nwọse ị̀ ḍikiḍikimẹ; anị anana ḍikiḍikiḅọ ḅe oria ananama ḍikiḍiki ọkụ mị, à ḅiye goyegoye à nyanamẹ.

²Ori ị̀ se mun ịwọ osuein ḅaka nyọ ḅụ ịnyọ saramẹ, ọ̀ pịkị ị̀ pamun dein ịwọ mengi ḍapa mị lamẹ.

³Ori ịwọ ịnyọ se ị̀ pịrịmẹ. Ọ̀ karakara ateli ḅie ị̀ datekeremamẹ, ò ḅerenisa ḅaraḅụ.

⁴À ḅọrọ nemikase fị dekiḅo ị̀ pịrịḅịa ḅụfụka ḅie sọ sọnị, ị̀ ḅala faẹkẹ, Nyanaḅọ, anịatịḅị ị́ ị̀rị̀ na omi-ẹ. Ị́ya anana ḍikiḍikiḅọ fomuye mị na amgbara mị na ị̀ kuḅie kụrọmamẹ.

⁵Ị́ fịye karakarama ị̀ pịrịmẹ, ị̀rị̀na-tarakapụ mamgba ị̀ ọrịḅịa nyọ ḅụ; osi nyana igoniḅọ ḅara ị́ nwọse ị̀ da warị chumẹ ị́ mịẹse à ḅakama ḅuḅuye nyanasam.

⁶À nemimẹ na ị́ya iḅimịẹ mị na ḅẹlẹma mị na, ị̀ya ḍumo ene mamgba ḅụ ị̀rị̀ na simeḅịa; se ị́ya warị mị pịkị ị̀ya warị sọḅịa à la-ene la-ene mamgba ḅụ.