Read kirikeni Fịafịa Nime 47 Bible Online

Fịafịa Nime 47 - kirikeni bible

Fịafịa Nime 47

¹Ómine ọ́mịna ḅarama farị ḅieḅẹlẹḅụ, tomoni mamgba! Ómine oloku nime chu se Tamụnọ Ḅe boma!

²Nyanaḅọ, Geletẹịnḅọ Ḅe ómine ò ḍiki ḅalafaḅịa; ori anị ḅẹrẹtọn bebe tomonikiri mị mgba pịrịarị opu amanyanaḅọ-ẹ.

³Ọ̀ mịẹ sarasarama ị̀ pịrịmẹ à jịn-a tomoni nẹngịmamẹ; ọ̀ mịẹ sarasarama wa pịrịmẹ wa ḅẹrẹtọn sẹma pịrịmẹ.

⁴Wa anga ama mị ọ̀ nwọ sẹlẹ se wa pịrịmẹ, anị oria tomonima ọkị nyana se, se opuaye mịẹarị nyọ mị, anị ọ̀ ḅẹlẹma apụma.

⁵Tamụnọ Ḅe ori iwo mun oria emine mị tanjịsam. Ḅieḅẹlẹ oloku omi-ẹ, oḍu pịkị kụrọma fieaḅẹ, Nyanaḅọ Ḅe iwoarị sịkị mị ḅụ.

⁶Ó boma nime chu Tamụnọ Ḅe pịrị; ó boma nime chu mịna amanyanaḅọ ḅe pịrị!

⁷Tomonikiri mgba Tamụnọ Ḅe anị amanyanaḅọ-ẹ; ó nime chu ò boma!

⁸Tamụnọ Ḅe oria fịafịa emine mị ọgọnọ ò sime waraḅẹ; ọ̀ ḅẹrẹtọn sẹma pịrịḅịa.

⁹Sẹ ma ḅie ḅẹrẹtọn apụma ini Ebraham Tamụnọ Ḅe a tomonima na koḅirimamẹ. Kụrọ owuni mamgba nẹngịḅọ anị ori-ẹ; ori anị kụrọtẹịn ḅẹrẹtọnḅọ ḅe-ẹ.