Read kirikeni Fịafịa Nime 52 Bible Online

Fịafịa Nime 52 - kirikeni bible

Fịafịa Nime 52

¹Opuḅọ, cheye gose ị́ya simịẹmịẹaye ma ị́ nwọse opuaye mịẹ-ao? Tamụnọ Ḅe oria ḅẹlẹma mị sime gbasomẹ.

²Siye se jịn apụ mịẹ ḅẹrẹ ị́ nwọ ḅiamẹ; ị́ ḅịpị ḅieḅẹlẹ mị iri oḅu ọkụ oḅumẹ. Sịkịmamgba ị́ iruo tẹmẹaḅẹ.

³Ị́ siye ḅẹlẹma iḅiye nẹngịmẹ ị́ pịkị iruoaye ḅẹlẹma kọkọmaye nẹngịmẹ.

⁴Jịn apụ ḅụosọ ọkwẹịn ị́ nwọ kọn ḅẹlẹmamẹ, ị́rị́ iruo kọnḅọ!

⁵Anịẹrẹchị Tamụnọ Ḅe ori ị́ fama gbasoḅịa; ị́ya warị ḅie ori ị́ ọlọ se ị́ jine pakụmaḅịa; ḍumo apụ sẹkiri mị ḅie ori ị́ sinḅịa.

⁶Karakaraye mịẹapụ mịn mị ọrị se ḅalafaḅịa; anịsịkị ini ị́ ḍẹrị se nwọḅẹḅịa,

⁷“Ḍiki, ḅẹḅọ ḅe anị Tamụnọ Ḅe oria ḍụaḅọrọma ḅụ sẹrẹrẹ ḍụkụkaḅọ-ẹ, anịnakaraka oria opu ngọma ḅụ re mị ò kuḅie se gbanaye-ẹ, se siaye mịẹḅụ ḅụḅọị ḍọkịmẹ.”

⁸Ọkụma Tamụnọ Ḅe warị ḅie sẹnịarị oliv eje sime ọkụ anị à sime ọkụ-ẹ; à kuḅie se oria kunoka ḅẹlẹma mị ḅụ gbana mun ḅene ḅene laḅịa.

⁹À mịẹḅaka se ị́ ḅẹḅịa sịkịmamgba, Tamụnọ, ị́ mịẹsaye ma gose; ị́ya tomonima tọrụkuḅu àrị ị́ya iḅi mị ḍuko pakụmaḅịa.