Read kirikeni Fịafịa Nime 54 Bible Online

Fịafịa Nime 54 - kirikeni bible

Fịafịa Nime 54

¹Ị́ya kụrọ mị se ị̀ ḍụa, Yei Tamụnọ; ị́ya opu kụrọ mị se ị̀ pọkọ pakụmaḅo!

²Ị̀ya tẹkẹ mị na, Yei Tamụnọ; ị̀ya ọkwẹịn ma poki!

³Opuaye mịẹapụ ḅo owu se ị̀ paka-ẹḅoaḅẹ; siaye mịẹapụ ḅo ị̀ ḅaa-ẹḅoaḅẹ— Tamụnọ ḍikiḅalafaka apụma.

⁴Ọkụma Tamụnọ Ḅe anị ị̀ya ḅarachụa ḅọ-ẹ. Nyanaḅọ Ḅe anị ị̀ya agbọ-ẹ.

⁵Ye Tamụnọ Ḅe ini ḅarana mịẹ siaye ma ḅe fomuḅara se ị̀rị̀na-tarakapụ ma pịrị. Ori ini ḅaaḅịa anịatịḅị ọ̀ karakaramẹ.

⁶À ḅieḅẹlẹ ḅụ agba mịẹ ị́ pịrịḅịa, Yei Nyanaḅọ; à mịẹḅaka se ị́ ḅẹḅịa anịatịḅị ị́ iḅimẹ.

⁷Ị̀ya ḅụfụka ma ḅie mgba ị́ ị̀ ḍụamẹ, à pịkị ị̀rị̀na-tarakapụ ma ḅe ọmụḅarasi mị ọrịmẹ.