Read kirikeni Fịafịa Nime 6 Bible Online

Fịafịa Nime 6 - kirikeni bible

Fịafịa Nime 6

¹Nyanaḅọ, ị̀ ḍikiḅụnwọnwọma, pịkị ịganị ị̀ pịrịma! Fomuḅara se ị̀ pịrịma ị́ya ịganịḅụ!

²Ị̀ ḅụ lọkọsam, Yei Nyanaḅọ; ị̀ ḍikiḅụgerere! Ịnyọ se ị̀ pịrị; ịnyọ gbọtụma ị̀ ḅụ fasosam

³ị̀ya oju mgba pịkị iḅiọkụma ḅụfụka ḅie omi-ẹ. Yei Nyanaḅọ, ị́ koru mun nde sịkị lasịkị ị́ ḅarachụa ị̀ pịrịḅe?

⁴Ḅo ị̀ ḍụaḅọrọma, Nyanaḅọ; ị́ya ḍikiḅụgerere ḅụ ị̀ ḍụa fị mị ḅaraḅie.

⁵Fịsapụ tomonikiri ḅie ini ị́ se ḅiekoroma-ẹkẹ; anịju ineda ị́ bomaḅịa ḅọ ofori-ẹ.

⁶Opu ngịrị ị̀ ḅụ ịnyọ famasam; ḍin goyegoye owu-a mengi ị̀ya mọnọye mị pisimamẹ; ị̀ya tịḅị sẹkẹye mị owu-a mengi ḅie taḅomẹ.

⁷À ḅarị ineda nyọ ọrịkẹ; ị̀ tọrụmgbọlụma sọ owu ḅu àrị foinsam ị̀rị̀ na tarakapụma se ị̀ mịẹarịye ma gose.

⁸Ómine ị̀ ḅụ sikima, ómine sitịḅịnyana apụ! Nyanaḅọ Ḅe ị̀ya owu ma ọ̀ naamẹ;

⁹à kọn ọ̀ pịrị ḅarachụa owu mị ò pokimẹ se ọ̀ pịkị ị̀ya tẹkẹ mị pẹkẹrẹḅịa.

¹⁰Ị̀rị̀ na tarakapụma ọmụḅarasi ḅe ḅụakụ mị ḅe ḅụgerere nwọ nemiḅịa; ḅụnemika ḅaraḅụ, ḅụḅalaḅala inia ogboku sọ se ini ini desinḅịa.