Read kirikeni Fịafịa Nime 63 Bible Online

Fịafịa Nime 63 - kirikeni bible

Fịafịa Nime 63

¹Yei Tamụnọ, ị̀rị̀ ị̀ Tamụnọ-ẹ, à pịkị ị́ ḍọkịmẹ. Ị̀rị̀ mgba àrị ị́ ḍọkịmẹ; ịnyọ ḅụ fa se samịna mengi nyanaka kiri mengi ḍọkị ọkụ, ị̀ tẹmẹ mị mengi pụkọtarịḅọ ḅara nwọseni ị́ ḍọkịmẹ.

²Ye àrị ị́ya tẹkẹ warị ḅie ị́ ọrị; ye ị́ya opu na boma na sime ọkụ à nwọ ọrị.

³Ị́ya kunoka ḅẹlẹma mị iḅitẹịn ḍumo mị na mịnaḅụ na nẹngịmẹ, anịẹrẹchị àrị ị́ bomaḅịa.

⁴À mịẹḅaka se ị́ ḅẹḅịa à la-ene la-ene; à tẹkẹḅụ ị̀ ḅarama dekichịẹma ị́ pịrịḅịa.

⁵Ị̀ tẹmẹ mị anị fịye fị pụkọtanmaḅịa, à pịkị ḅieḅẹlẹma nime chu ị́ pịrịḅịa.

⁶À mọnọye ọgọnọ ḅọlọlọ sịkị, àrị ị́ se ḅiekoromamẹ; ḍin ḅie mgba àrị ị́ya koroma kọnmẹ,

⁷anịatịḅị sịkịmamgba ị́ ḅarachụa ị̀ pịrịaḅẹ. Ị́ pamba ma tẹmẹ mị chukuḅie à ḅieḅẹlẹ nime chuḅịa.

⁸Àrị ị́ oḅolomẹ, ị́ ḅarama pịkị ị̀ ḍụamẹ.

⁹Ị̀ ḅaa ḍọkịarịapụ ma ini fịapụ tomonikiri ḅie sọmunḅịa.

¹⁰Ọmụ ḅie ini ini ḅaaḅịa, piri obiri pịkị inia ojuma pẹịḅịa.

¹¹Anịatịḅị Tamụnọ Ḅe ori ọmụḅaraiḅi se ọ̀ pịrịḅịa, amanyanaḅọ ḅe ò ḅieḅẹlẹḅịa. Nwọ Tamụnọ Ḅe ẹrẹḅụ yeḅereni apụma, ini ò bomaḅịa, ọkụma iruo kọn apụ ḅịpị ma gbẹịnḅịa.