Read kirikeni Fịafịa Nime 64 Bible Online

Fịafịa Nime 64 - kirikeni bible

Fịafịa Nime 64

¹À ḅụfụka ḅie omi-ẹ, Tamụnọ—ị̀ya tẹkẹ poki! Àrị ị̀rị̀na-tarakapụ ma ḍikiḅalafamẹ—ị̀ ḍumo ḍụa!

²Ị̀ ḅọị sitịḅịnyanapụma ḅia arịaye ma ḅie, siaye mịẹḅịa ẹrẹchị koḅiria apụma.

³Inia ḅịpịḅieḅẹlẹ ma okola-agiji farị ḅara ini nwọse àrị farịmẹ, ini pịkị ḍẹịn seni yedatẹịn ḅara se si ọkwẹịn kọn tomoni pịrịpịrịmẹ.

⁴Tọrụgbẹịnka-iruo ma ḍuko finjima mị iniaḅụ sarasaramẹ; ini ḅọịma iḅiapụ ma ḍukosimamẹ.

⁵Inia si ḅẹrẹḅia ma ḅie ini jụmḅọ jụmḅọ kuḅie kụrọmamẹ; inia ḍẹịn ma ini nwọ tukoromaḅịa nyọ ḅe ḅẹrẹ ini nwọ tọnmẹ. “Gbọrịḅọ sọ ineda ini ọrị ẹkẹ,” ini nwọ ḅẹmẹ.

⁶Ini siaye tọn-so-sịkị, ini nwọ ḅẹmẹ, “Wa jokoma siye ḅia sam.” Tomoniḅọ kuḅiemgbọlụ na tomoniḅọ tọn ayema nemi mị gbun aye-ẹ.

⁷Ọkụma Tamụnọ Ḅe oria ḍẹịn ma se ini da tẹịnmẹ, ḅụnemika ḅaraḅụ ye pịkị ini lamẹ.

⁸Àrị ọkwẹịn ma gose ori ini ḅaasinḅịa; ini ọrị apụ mamgba inia tịḅị ma jikeḅịa.

⁹Inimgba inia ḅalafaḅịa; ini Tamụnọ Ḅe mịẹsaye ma se ḅiekoromaḅịa, se oria ḅẹrẹ ḍukoḅịa.

¹⁰Karakaraye mịẹapụ mamgba inia ḅieḅẹlẹḅịa, Nyanaḅọ Ḅe mịẹsaye ma gose. Ò ḅieḅụ ini ḅọị nyọ nyanaḅịa; iḅiye mịẹapụ mamgba ini ò bomaḅịa.