Read kirikeni Jerimaya 45 Bible Online

Jerimaya 45 - kirikeni bible

Jerimaya 45

¹Josaya tọkụ, Jẹhoịakim ḅe Juda amanyana ḅe inein karama kụra ḅie anị Barọk ḅe à go ọ̀ pịrịayema gịẹịnye-ẹ. Anị à ḍuko ọ̀ pịrịye-ẹ

²na Nyanaḅọ Izrẹl Tamụnọ Ḅe, nwọse ị́ ḅẹsam, “Barọk,

³ị́ ḍuko aḅẹ, Ịyi-a! ‘À fasam! Nyanaḅọ Ḅe ò kururu se ị̀ya ḅụfụka ma ḅụ chụasam. Ị̀ya oju wọrọsosam ma kuḅie-deinka ma ḅie, à pịkị ịnyọsara nyanakẹ!’

⁴“Ọkụma, Ị̀rị̀, Nyanaḅọ Ḅe, à kankoromaḅẹ à namasaye mị, pịkị wọrọpakụmaḅẹ, à ḍipisaye mị. À mịn mị mịẹ tomonikiri kelemaḅịa.

⁵Ị́ sosikima ị́ ḅụ iḅiye ḍọkị se ị́ ḅụ pịrị-ao? Ọkọ mịẹma. À ḅụfụka ọkịḅo tomoni goyegoye pịrịḅịa, ọkụma ị́rị́, anị-sime-ọkụ-sime-ọkụ ị́ ḍumoḅịa anịa kuluma, ị́ munyọ munyọ. Ị̀rị̀, Nyanaḅọ Ḅe, ḍukosam.”