Read kirikeni Kịẹnḅịpị Ma 2 Bible Online

Kịẹnḅịpị Ma 2 - kirikeni bible

Kịẹnḅịpị Ma 2

¹Nyanaḅọ Ḅe olokoma chụa Moziz ḅe na Erọn ḅe na pịrịmẹ.

²Izrẹlapụma ikowarịma pikesa ḅẹḅẹ, ọrụḅọḅọ nụḅọ paka-furo ịkpata mị na pịkị nụḅọ sẹ ịkpata mị chuku ḅie simeḅịa. Ini ikowarịma pike Ikowarị mị kelemaḅịa.

³Ini Juda sẹ mị chuku ḅie sime apụ mamgba ịrụapakapaka anga ḅụ koḅirima simeḅịa, kpokpo ḅụ inia tịḅịnịma na, mị ḅara mị ḅụ: [Sẹ] — [Tịḅịnịḅọ] — [Kịẹnḅịpị] Juda — Nashọn Aminadab yaḅe — kịnị-a esenie-a poku-na sonio-a ẹndẹ oyiasi fịnjị Ịsaka — Netanẹl Zua yaḅe — kịnị-a sonio-a poku na ineinfasi ẹndẹ fịnjị Zẹbụlọnị — Ẹlaịab Hẹlọn yaḅe — kịnị-a sọnọma poku na tẹrẹ ẹndẹ oyiasi fịnjị — Kịẹngboloma: — si tẹrẹ-a poku fịnjị na sonio-a ẹndẹ fịnjị. Juda kpo mị anị tọrọkọ daḅịaye-ẹ.

¹⁰Chuku daọrụ mị ḅụ anị Rubẹnị kpo ịkpata mị chuku ḅie sime kpokpo ma koḅirimaḅịaye-ẹ, inia tịḅịnịma chukuḅie, mị ini simeḅịa ọkụ-ẹ: [Sẹ] — [Tịḅịnịḅọ] — [Kịẹnḅịpị] Rubẹnị — Elaịzọ Shẹdẹo yaḅe — kịnị-a sọnọ-a poku, ineinfasi ẹndẹ na sọnọasi fịnjị Simiọnị — Shẹlumiẹl, Zurịshadaị yaḅe — kịnị-a sọnọma poku, nine ẹndẹ na sọnọasi fịnjị Gadị — Elaịsaf Duẹl yaḅe — kịnị-a sọnọ-a poku, oyi inia ẹndẹ na mesi oyi fịnjị — Kịẹngboloma: — si poku, maịn fa si ẹndẹ na kịnị-a mesi oyi fịnjị. Rubẹnị kpo mị maịn karama nwẹngịḅịa.

¹⁷Tọrọkọda mama kpọ ma na pịkị ọḅụjuda mama kpo ma na ogboku anị Livaị apụma sime se Ikowarị mị pụra nwẹngịḅịaye-ẹ. Kpo goyegoye ọrụ tọnma kụlọkụlọ ḅụ nwẹngịḅịa; ini pike sime nyọma ḅụ inia furo ịkpata mị chuku ḅie ini sime ọkụ mị.

¹⁸Ịrụa mị sọsọ nyọ mị ḅụ, anị Ifrem kpo mị inia kụlọkụlọ ma ḅụ pike simeḅịaye-ẹ mịn ḅara ḅụ: [Sẹ] — [Tịḅịnịḅọ] — [Kịẹnḅịpị] Ifrem — Ẹlishama Amaịhud yaḅe — sọnọ-a poku na kịnị-a ẹndẹ sọnọasi fịnjị Manasẹ — Gamaliẹl Pẹdazọ yaḅe — kịnị-a inia poku na oyiasi fịnjị Bẹnjamin — Abaịdan Gidiọnaị yaḅe — kịnị inia poku nine ẹndẹ oyiasi fịnjị — Kịẹngboloma: — inimgba anị oyi tẹrẹ-a poku na oyi ẹndẹ sọnọasi fịnjị Ifrem kpo mị anị tẹrẹ karama nwẹngịḅịaye-ẹ.

²⁵Ọgọnọ daọrụ mị ḅụ, anị Danị kpo mị inia kụlọkụlọ ma ḅụ pike simeḅịaye-ẹ, inia tịḅịdapụ ma chuku ḅụ: [Sẹ] — [Tịḅịnịḅọ] — [Kịẹnḅịpị] Danị — Ahieza Amishadaị — kịnị-a sọnọma poku, sọnọasi ofori tẹrẹfa si ẹndẹ fịnjị Asha — Pagiẹl Okran yaḅe — kịnị-a sọnọ-a poku sọnọasi ofori inia ẹndẹ fịnjị Naftalaị — Ahaịra Inan yaḅe — kịnị-a sonio-a poku oyitẹrẹ ẹndẹ oyiasi fịnjị — Kịẹngboloma: — inimgba anị kịnị gbọrịye fa si poku oyi inein-a ẹndẹ fịnjị Danị kpo mị anị ọḅụ kuluma nwẹngịḅịaye-ẹ.

³²Izrẹlapụ mamgba kịẹngboloma ọkụma, kpokpo ḅụ na ịkpangị-ịkpangị ḅụ na inimgba anị kịnị-a sọnọfa poku-a iniasi na mesi-oyi-fịnjị ofori esenie-a ẹndẹ-ẹ.

³³Nyanaḅọ Ḅe tọn se Moziz ḅe pịrịsa ḅaraḅụ, Livaị apụma ini ini se ísí Izrẹlapụma na kịẹn gbolomakẹ.

³⁴Mịn ḅara mị ḅụ, anị Izrẹlapụma Nyanaḅọ Ḅe tọn se Moziz ḅe pịrịye goyegoye nwọ mịẹ ọkụ-ẹ. Inimgba ḅọḅọ nụḅọ paka furo mị ḅe ịkpata mị chuku ḅie pike simemẹ, anị ọrụḅọḅọ nụḅọ sẹ mị ḅie ḅụ wẹrị nwẹngị ọkụ-ẹ.