Read kirikeni Malakaị 4 Bible Online

Malakaị 4 - kirikeni bible

Malakaị 4

¹Kụrọmamgba Nyanaḅọ Ḅe nwọḅẹmẹ, “Opuaye mịẹmịẹ apụ mamgba na simịẹmịẹ apụma na ini osirosiroḅa ḍọkị ọkụ ḍọkịḅịa ene mị ḅoaḅẹ. Anị ene mị ḅụ, ini ḍọkị famaḅịa, iniaḅụ pẹkẹrẹ sọ kọn ẹkẹ.

²Ọkụma ómine nwọ ị̀ ḅịpị pokiarị apụma, ị̀ya ḍụaḅọrọma kụrọ mị, ịrụa ḅịa ọkụ anị nwọse ọ́mịna ọgọnọ ḅịa ḅịa, se anị pịkị ómine gwọḅịa ịrụa ḅịa nweni ọgọnọ sarama ọkụ. Nama ma warị ḅie, ini ḅọkọ finji pịrị se nụngọ pakasa nambulo awọ ḅieḅẹlẹ ọkụ ọ́ nwọse ḅieḅẹlẹḅịa.

³À yemịẹḅịa ene, sitịḅịnyanapụma, ómine ini nẹngịmaḅịa, ini pịkị fọn sime ọkụ simeḅịa ọ́mịna ḅụọ-a chuku ma ḅie.”

⁴Nyanaḅọ Ḅe nwọ ḅẹmẹ, “Ị̀ya fịrịnwẹngịḅọ, Moziz ḅe se ó telima ayema, ó se ḅiekoroma, anị ómine Izrẹlapụ mamgba kokoḅịa ẹrẹchị à se Saịnaị Tụndụ ọgọnọ ọ̀ pịrị olokoma na à tọn ayema na.

⁵“Ọkụma tẹrẹrẹ, Nyanaḅọ Ḅe oria opu ḅalafama ene mị ḅo la, ịkịankoro Ịlaịja ḅe à nwọse ómine sẹịnmaḅịa.

⁶Ọ̀ pịkịna ḍapụ na inia awọ na mịẹse ini ḅẹrẹfamaḅịa; anị mị mịẹka ọkụma mgbọkụ à ḅo ọ́mịna sẹ mị famasam.”