Read kirikeni Jọshụa 16 Bible Online

Jọshụa 16 - kirikeni bible

Jọshụa 16

¹Ini tọn Josẹf awọma pịrị chuku daọrụ eke mị, Jọdan mị ḅụ anị anị sakịye-ẹ, Jẹriko mị na kpekima nyọ mị, anị Jẹriko mị ḅụ ideri mengi mị tịḅị sakị anga mị, ịrụapakapaka nyọ daọrụ ḅụ, pịkị ọkịmun onwun ele mị ḅie sọmẹ. Jẹriko mị ḅụ anị sakịmun chịngị ọgọnọ sẹ mị ḅie iwo mun Bẹtẹl mị lamẹ.

²Bẹtẹl mị ḅụ anị ọkịmun Lụz mị la, ḅọrọ mun Atarọt Ada, anị Akaị apụma anga nyọ mị.

³Anị pịkị ịrụasọsọ nyọ daọrụ mị ḅụ somun Jaflẹt apụ eke mị lamẹ, pịkị somun Chukuda Bẹt Horọn mị eke mị lamẹ. Anịju ḅụ anị sakịmun Gaza mị la se mun Mẹditirenia Opu Tọrụ mị ḅụ kulumamẹ.

⁴Josẹf awọma, anị Ifrem na Manasẹ na ḅụ ịrụasọsọ nyọ daọrụ mị sime sẹ mị ama mị ọkịmẹ inia ḍiekiri ḅaraḅụ.

⁵Mị Ifrem awọma inia eke mị-ẹ: inia eke mị Atarọt Ada mị ḅụ ịrụapakapaka nyọ daọrụ anị sakịmun Ọgọnọda Bẹt Horọn mị lamẹ,

⁶pịkị anịju ḅụ ọkịmun Mẹditirenia Opu Tọrụ mị lamẹ. Mikmẹtat mị anị inia ọgọnọju daọrụ mị-ẹ. Anịa ḅụ ịrụapakapaka nyọ daọrụ ḅụ, eke mị anị anda kanama Teanat Shịlo mị damun se anị ḅọrọ somun Janoa mị lamẹ ịrụapakapaka nyọ daọrụ ḅụ.

⁷Anị pịkị Janoa mị ḅụ tukoro mun Atarọt mị na Neara mị na la, somun Jẹriko mị la se Jọdan mị ḅụ kulumamẹ.

⁸Eke mị Tapua mị ḅụ ịrụasọsọ nyọ daọrụ ḅụ anị sakị Kana ideri mengi mị la se mun Mẹditirenia Opu Tọrụ mị ḅụ kulumamẹ. Mị kiri mị Ifrem sẹ mị ḅie sime furoma anị ọkịmẹ inia ḍiekiri ḅaraḅụ,

⁹pịkị Manasẹ eke mị ḅụ sime jịn-a amama na pịkị ịwọamama na, ini àrị seni Ifrem awọma pịrịmẹ.

¹⁰Ọkụma Gaza mị ḅie anga Kenan apụma ini ini depakụmakẹ, anịẹrẹchị Kenan apụma ini pa Ifrem apụma na anga ḅo mịmgba sọnị la waraḅẹ, ọkụma ini ini mịẹse ini omoniapụ ḅara se fịrịnwẹngịmẹ.