Read kiswahili 1 Mambo ya Nyakati 24 Bible Online

1 Mambo ya Nyakati 24 - kiswahili bible

1 Mambo ya Nyakati 24

¹ Na zamu za wana wa Haruni ni hizi. Wana wa Haruni; Nadabu, na Abihu, na Eleazari, na Ithamari.

² Lakini hao Nadabu na Abihu walikufa kabla ya baba yao, wala hawakuwa na watoto; kwa hiyo Eleazari na Ithamari wakafanya ukuhani.

³Akawagawanya Daudi, na Sadoki wa wana wa Eleazari, na Ahimeleki wa wana wa Ithamari, katika utumishi kwa kadiri ya huduma yao.

⁴Wakaonekana wakuu wengi wa wana wa Eleazari kuliko wa wana wa Ithamari; wakagawanyika hivi; wa wana wa Eleazari kulikuwa na kumi na sita, waliokuwa wakuu wa koo za baba zao; na wa wana wa Ithamari, kulingana na koo za baba zao, wanane.

⁵ Ndivyo walivyogawanyika kwa kura, wao kwa wao; kwani kulikuwa na wakuu wa patakatifu, na watumishi wa Mungu, wa wana wa Eleazari, na wa wana wa Ithamari pia.

⁶ Naye Shemaya, mwana wa Nethaneli, mwandishi, aliyekuwa wa Walawi, akawaandika mbele ya mfalme, na mbele ya wakuu, na Sadoki kuhani, na Ahimeleki, mwana wa Abiathari, na wakuu wa koo za baba za makuhani, na za Walawi; ikatwaliwa ya Eleazari koo moja ya baba, na moja ikatwaliwa ya Ithamari.

⁷ Kura ya kwanza ikamtokea Yehoiaribu, na ya pili Yedaya;

⁸ ya tatu Harimu, ya nne Seorimu;

⁹ya tano Malkia, ya sita Miyamini;

¹⁰ ya saba Hakosi, ya nane Abia;

¹¹ya tisa Yeshua, ya kumi Shekania;

¹²ya kumi na moja Eliashibu, ya kumi na mbili Yakimu;

¹³ya kumi na tatu Hupa, ya kumi na nne Yeshebeabu;

¹⁴ya kumi na tano Bilga, ya kumi na sita Imeri;

¹⁵ya kumi na saba Heziri, ya kumi na nane Hapisesi;

¹⁶ya kumi na tisa Pethahia, ya ishirini Ezekieli;

¹⁷ya ishirini na moja Yakini, ya ishirini na mbili Gamuli;

¹⁸ya ishirini na tatu Delaya, ya ishirini na nne Maazia.

¹⁹ Huu ndio utaratibu wa zamu zao katika huduma yao, ya kuingia nyumbani mwa BWANA kwa kadiri ya agizo lao, kwa mkono wa Haruni baba yao, kama BWANA, Mungu wa Israeli, alivyomwamuru.

²⁰ Na wa wana wa Lawi, waliosalia; wa wana wa Amramu, Shebueli; wa wana wa Shebueli, Yedeya.

²¹ Wa Rehabia; wa wana wa Rehabia, Ishia mkuu wao.

²² Wa Waishari, Shelomothi; wa wana wa Shelomothi, Yahathi.

²³① Na wana wa Hebroni; Yeria mkuu wao, Amaria wa pili, Yahazieli wa tatu, Yekameamu wa nne.

²⁴Wana wa Uzieli, Mika; wa wana wa Mika, Shamiri.

²⁵Nduguye Mika, Ishia; wa wana wa Ishia, Zekaria.

²⁶② Wana wa Merari; Mali na Mushi; wana wa Yaazia; Beno.

²⁷Wana wa Merari; wa Yaazia; Beno, na Shohamu, na Zakuri, na Ibri.

²⁸③ Wa Mali; Eleazari, asiyekuwa na wana.

²⁹Wa Kishi; wana wa Kishi; Yerameeli.

³⁰④ Na wana wa Mushi; Mali, na Ederi, na Yeremothi. Hao ndio wana wa Walawi, kwa kufuata koo za baba zao.

³¹Hao nao wakapigiwa kura vile vile, kama ndugu zao wana wa Haruni, machoni pa Daudi mfalme, na Sadoki, na Ahimeleki, na wakuu wa koo za baba za makuhani na za Walawi; koo za baba za mkuu, vile vile kama za nduguye mdogo.