Read kiswahili Ayubu 15 Bible Online

Ayubu 15 - kiswahili bible

Ayubu 15

¹Ndipo Elifazi, Mtemani, akajibu, na kusema,

²Je! Yapasa mtu mwenye hekima kujibu kwa ujuzi wa uvuvio, Na kulijaza tumbo lake upepo wa mashariki?

³Je! Ahoji na mazungumzo yasiyo na faida, Au kwa maneno ambayo hawezi kufanya mema kwayo?

⁴Naam, wewe wapuuza hofu ya Mungu, Nawe wazuia ibada mbele za Mungu.

⁵Kwani uovu wako unakufundisha kinywa chako, Nawe wachagua ulimi wake mwenye hila.

⁶Kinywa chako mwenyewe chakuhukumia makosa, wala si mimi; Naam, midomo yako mwenyewe hushuhudia juu yako.

⁷③ Je! Wewe u mtu wa kwanza aliyezaliwa? Au, ulizawa wewe kabla ya milima?

⁸④ Je! Umesikiza ushauri wa siri ya Mungu? Nawe je! Wazuia hekima iwe yako tu?

⁹⑤ Je! Wewe wajua neno lipi, ambalo sisi hatulijui? Nawe wafahamu nini, ambalo halimo ndani yetu?

¹⁰⑥ Wenye mvi, na walio wazee sana, wote wapo pamoja nasi, Ambao ni wazee kuliko baba yako.

¹¹Je! Utulivu wa Mungu ni mdogo sana kwako, Maliwazo ya Mungu ni madogo sana kwako?

¹²Mbona moyo wako unakutaharakisha! Na macho yako, je! Kwa nini yaangae?

¹³Hata ukageuza roho yako kinyume cha Mungu, Na kuyatoa maneno kama hayo kinywani mwako.

¹⁴⑦ Je! Mwanadamu ni kitu gani, hata akawa safi? Huyo aliyezaliwa na mwanamke, hata awe na haki?

¹⁵⑧ Yeye hawategemei watakatifu wake; Naam, mbingu nazo si safi machoni pake.

¹⁶⑩ Sembuse mtu ambaye ni mwenye kuchukiza na uchafu, Mwanadamu anywaye uovu kama anywavyo maji!

¹⁷Mimi nitakuonesha, unisikilize; Na hayo yote niliyoyaona nitayanena;

¹⁸⑪ (Ambayo watu wenye hekima wameyatangaza Tokea baba zao, wala hawakuyaficha;

¹⁹⑫ Waliopewa hiyo nchi peke yao, Wala mgeni hakupita kati yao);

²⁰⑬ Mtu mwovu huwa na uchungu siku zake zote, Hata hesabu ya miaka aliyowekewa mwonevu.

²¹⑭ Sauti za utisho zi masikioni mwake; Katika kufanikiwa kwake mtekaji nyara atamjia juu yake;

²²Yeye hasadiki kwamba atarudi kutoka gizani, Naye hungojewa na upanga;

²³⑮ Hutangatanga ili apate chakula, akisema, Ki wapi? Ajua kwamba siku ya giza i tayari karibu naye;

²⁴Mateso na dhiki humtia hofu; Humshinda kama vile mfalme aliye tayari kwa vita;

²⁵⑯ Kwa kuwa amenyosha mkono wake juu ya Mungu, Na kuendelea kwa kiburi kinyume cha Mwenyezi;

²⁶Humshambulia na shingo ngumu, Kwa mafundo makubwa ya ngao zake;

²⁷⑰ Kwa kuwa amefunika uso wake na mafuta yake, Na kuwandisha mafuta kiunoni mwake;

²⁸Naye amekaa katika miji iliyo ukiwa, Katika nyumba ambazo hapana mtu azikaaye, Zilizokuwa tayari kuwa magofu.

²⁹Hatakuwa tajiri, wala mali zake hazitadumu, Wala mavuno yao hayatainama nchi.

³⁰⑱ Hataondoka gizani; Ndimi za moto zitayakausha matawi yake, Naye ataondoka kwa pumzi za kinywa chake.

³¹⑲ Asiutumainie ubatili, na kujidanganya; Kwa kuwa huo ubatili ndio utakaokuwa ujira wake.

³²⑳ Jambo hili litatendeka kabla ya wakati wake, Na tawi lake halitasitawi.

³³Atayapukutisha mapooza yake kama mzabibu, Na kuyatupa maua yake kama mzeituni.

³⁴ Kwa kuwa jamii ya hao wasiomcha Mungu watakuwa tasa, Na moto utateketeza mahema yenye rushwa.

³⁵ Wao hutunga mimba ya madhara, na kuzaa uovu, Na mioyo yao hutunga udanganyifu.