Read kiswahili Ayubu 30 Bible Online

Ayubu 30 - kiswahili bible

Ayubu 30

¹Lakini sasa hao walio wadogo wangu hunifanyia mzaha, Ambao baba zao ningewadharau hata kuwasimamia mbwa wa kundi langu.

²Naam, uwezo wa mikono yao utanifaa nini? Watu ambao nguvu zao zimekoma.

³Wamekonda kwa uhitaji na njaa; Huguguna nchi kavu, penye giza la ukiwa na uharibifu.

⁴Hung'oa mboga ya chumvi kwenye kichaka; Na mizizi ya mretemu ni chakula chao.

⁵Hufukuzwa watoke kati ya watu; Huwapigia kelele kama kumpigia mwizi.

⁶Lazima hukaa katika mianya ya mabonde, Katika mashimo ya nchi na ya majabali.

⁷Hulia kama punda vichakani; Hukusanyika chini ya upupu.

⁸Wao ni wana wa wapumbavu, naam, watoto wa wahuni; Walifukuzwa kwa mijeledi watoke katika nchi.

⁹⑦ Na sasa mimi nimekuwa wimbo wao, Naam, nimekuwa simo kwao.

¹⁰Wao hunichukia, na kujitenga nami, Hawaachi kunitemea mate usoni.

¹¹⑧ Kwani ameilegeza kamba yake, na kunitesa, Wala hawajizuii tena mbele yangu.

¹²⑩ Kwa mkono wangu wa kulia huinuka kundi; Huisukuma miguu yangu kando, Na kunipandishia njia zao za uharibifu.

¹³⑪ Waiharibu njia yangu, Wauzidisha msiba wangu, Watu wasio na msaidizi.

¹⁴⑫ Wanijia kama wapitao katika ufa mpana; Katikati ya magofu wanishambulia.

¹⁵Vitisho vimenigeukia; Huifukuza heshima yangu kama upepo; Na kufanikiwa kwangu kumepita kama wingu.

¹⁶⑬ Sasa nafsi yangu inamwagika ndani yangu; Siku za mateso zimenishika.

¹⁷⑭ Wakati wa usiku mifupa yangu huchomeka ndani yangu, Na maumivu yanayonitafuna hayapumziki.

¹⁸⑮ Kwa ugonjwa wangu kuwa na nguvu nyingi Mavazi yangu yameharibika; Hunikaza kama shingo ya kanzu yangu.

¹⁹Yeye amenibwaga topeni, Nami nimekuwa kama mavumbi na majivu.

²⁰⑯ Nakulilia wewe, wala huniitikii; Nasimama, nawe wanitazama tu.

²¹Wewe umegeuka kuwa mkali kwangu; Nawe waniudhi kwa uweza wa mkono wako.

²²Waniinua juu hata upeponi, na kunipandisha juu yake; Nawe waniyeyusha katika dhoruba.

²³Kwani najua kuwa utanileta hata kifoni, Niifikie nyumba waliyoaandaliwa wenye uhai wote.

²⁴Je! Mtu katika kuanguka kwake hanyoshi mkono? Na kulilia msaada katika msiba wake?

²⁵⑰ Je! Mimi sikulia kwa ajili ya huyo aliyekuwa katika taabu? Nafsi yangu, je! Haikusononeka kwa ajili ya wahitaji?

²⁶⑱ Hapo nilipotazamia mema, ndipo yakaja mabaya; Nami nilipongojea mwanga, likaja giza.

²⁷Matumbo yangu yatokota, wala hayaachi; Siku za taabu zimenijia.

²⁸⑲ Naenda nikiomboleza pasipo jua; Nasimama katika mkutano, na kuulilia msaada.

²⁹⑳ Mimi ni ndugu yao mbwamwitu, Ni mwenzao mbuni.

³⁰Ngozi yangu ni nyeusi, nayo yanitoka, Na mifupa yangu imeteketea kwa joto.

³¹Kwa hiyo kinanda changu kimegeuzwa kuwa maombolezo, Na filimbi yangu kuwa sauti yao waliao.