Read kiswahili Ayubu 37 Bible Online

Ayubu 37 - kiswahili bible

Ayubu 37

¹Moyo wangu hutetemeka kwa hayo pia, Nao huruka kutoka mahali pake.

²Zisikizeni hizo kelele za sauti yake, Na uvumi utokao kinywani mwake.

³Yeye huituma iende chini ya mbingu zote, Na radi yake hata miisho ya nchi.

⁴Baadaye sauti hunguruma; Yeye hunguruma kwa sauti ya ukuu wake; Hazizuii hapo sauti yake isikiwapo.

⁵Mungu hunguruma kwa kustaajabisha kwa sauti yake; Hufanya mambo makuu, ambayo hatuwezi kuyaelewa.

⁶Kwa kuwa huiambia theluji, Anguka juu ya nchi; Na pia kwa manyunyu ya mvua, Hayo manyunyu ya mvua yake nyingi.

⁷ Huufunga mkono wa kila binadamu; Ili watu wote aliowaumba wajue.

⁸Hapo wanyama huingia mafichoni, Na kukaa katika mapango yao.

⁹Dhoruba hutoka katika vyumba vyake; Na baridi ghalani mwake.

¹⁰Kwa pumzi ya Mungu barafu hutokea; Na uso wa maji huganda punde.

¹¹Naam, huyatwika mawingu mazito mzigo wa maji; Hulitandika wingu la umeme wake;

¹²Nalo hugeuzwa huku na huku kwa uongozi wake, Ili yafanye yote atakayoyaagiza Juu ya uso wa dunia hii ikaayo watu;

¹³Kama ni kwa kuonya, au kama ni kwa nchi yake, Au kama ni kwa rehema, ndiye aletaye.

¹⁴Sikiliza neno hili, Ee Ayubu; Simama kimya, uzifikiri kazi za Mungu za ajabu.

¹⁵Je! Wajua wewe jinsi Mungu anavyoziagiza, Na kuufanya umeme wa wingu lake uangaze?

¹⁶ Je! Wajua jinsi mawingu yalivyowekwa sawasawa, Hizo kazi za ajabu za huyo mkamilifu wa maarifa?

¹⁷Jinsi nguo zako zilivyo na moto, Hapo nchi ituliapo kwa sababu ya upepo wa kusini?

¹⁸ Je! Waweza kuzitandaza mbingu pamoja naye, Ambazo zina nguvu kama kioo cha kuyeyushwa?

¹⁹Utufundishe ni maneno gani tutakayomwambia; Kwa kuwa hatuwezi kutoa hoja zetu maana tumo gizani.

²⁰Je! Aambiwe kwamba nataka kunena? Au kuna mtu ambaye angetamani kumezwa?

²¹Na sasa watu hawawezi kuutazama mwanga ung'aao mbinguni; Lakini upepo ukipita huzitakasa.

²²Kaskazini hutokea mng'ao wa dhahabu; Mungu huvikwa ukuu utishao.

²³ Yeye Mwenyezi hamwezi kumwona; Yeye ni mkuu mwenye uweza; Tena mwenye hukumu, na mwingi wa haki, hataonea.

²⁴ Kwa hiyo watu humwogopa; Yeye hawaangalii walio na hekima mioyoni.