Read kiswahili Ayubu 40 Bible Online

Ayubu 40 - kiswahili bible

Ayubu 40

¹BWANA akafululiza kumjibu Ayubu, na kusema,

²⑱ Je! Mwenye hoja atashindana na Mwenyezi? Mwenye kujadiliana na Mungu, na ajibu yeye.

³Ndipo Ayubu akamjibu Mungu, na kusema,

⁴⑲ Tazama, mimi si kitu kabisa, nikujibu nini? Naweka mkono wangu kinywani pangu.

⁵Nimenena mara moja, nami sitajibu; Naam, nimenena mara mbili, lakini sitaendelea zaidi.

⁶⑳ Ndipo BWANA akamjibu Ayubu katika upepo wa kisulisuli, na kusema,

⁷ Jifunge viuno kama mwanamume, Mimi nitakuuliza neno, nawe niambie.

⁸ Je! Hata hukumu yangu utaibatilisha? Utanitia mimi hatiani, upate kuhesabiwa haki?

⁹ Au je! Wewe una mkono kama Mungu? Waweza kutoa ngurumo kwa sauti kama yeye?

¹⁰ Haya! Jivike sasa fahari na ukuu; Jipambe heshima na enzi.

¹¹Mwaga mafuriko ya hasira zako, Ukamtazame kila mtu mwenye kiburi, ukamdhalilishe.

¹² Mtazame kila mtu mwenye kiburi ukamshushe, Ukawakanyage waovu hapo wasimamapo.

¹³Wafiche mavumbini pamoja, Wafunge nyuso zao mahali palipositirika.

¹⁴Ndipo mimi nami nitazikiri habari zako, Ya kuwa mkono wako wa kulia waweza kukuokoa.

¹⁵Mwangalie huyo kiboko, niliyemwumba pamoja nawe; Yeye hula nyasi kama ng'ombe,

¹⁶Tazama basi, nguvu zake zimo katika viuno vyake, Na uwezo wake u katika mishipa ya tumbo lake.

¹⁷Yeye hutikisa mkia wake mfano wa mwerezi; Mishipa ya mapaja yake yanaungamana pamoja.

¹⁸Mifupa yake ni kama mirija ya shaba; Mbavu zake ni kama vipande vya chuma.

¹⁹Yeye ni wa kwanza kwa hayo matendo makuu ya Mungu; Ni Muumba wake tu awezaye kumkabili kwa upanga wake.

²⁰ Hakika milima humtolea chakula; Hapo wachezapo wanyama pori wote.

²¹Hulala chini ya miti yenye vivuli, Mafichoni penye mianzi, na matopeni.

²²Hiyo miti yenye vivuli humfunika kwa vivuli vyao; Mierebi ya vijito humzunguka.

²³ Tazama, mto ukifurika, yeye hatetemeki; Hujiona yu salama, ijapokuwa Yordani hufurika hata kinywani pake.

²⁴Je! Mtu yeyote atamnasa akiwa yu macho, Au, kumtoboa pua yake kwa mtego?