Read kiswahili Zaburi 10 Bible Online

Zaburi 10 - kiswahili bible

Zaburi 10

¹Ee BWANA, kwa nini wasimama mbali? Kwani unajificha nyakati za shida?

² Kwa kiburi chake asiye haki mnyonge anafuatiwa kwa ukali; Na wanaswe kwa hila zizo hizo walizoziwaza.

³Maana mdhalimu hujisifia tamaa ya nafsi yake, Na mwenye choyo humkana BWANA na kumdharau.

⁴ Mdhalimu kwa kiburi cha uso wake Asema, Mungu Hatapatiliza. Mawazo yake yote ni, Hakuna Mungu;

⁵Njia zake ni thabiti kila wakati. Hukumu zako ziko juu asizione, Adui zake wote awakaripia.

⁶Asema moyoni mwake, Sitaondoshwa, Kizazi baada ya kizazi sitakuwamo taabuni.

⁷ Kinywa chake kimejaa laana, Na hila na dhuluma. Chini ya ulimi wake kuna madhara na uovu,

⁸Hujificha na kuotea vijijini. Katika maficho humwua asiye na hatia, Macho yake humtazama kisiri mtu duni.

⁹Huotea faraghani kama simba pangoni, Huotea amkamate mtu mnyonge. Naam, humkamata mtu mnyonge, Na kumkokota akiwa wavuni mwake.

¹⁰Hujikunyata na kuinama; Watu duni huanguka kwa nguvu zake.

¹¹Asema moyoni mwake, Mungu amesahau, Auficha uso wake, haoni kamwe.

¹²Inuka, Ee Mungu BWANA, uuinue mkono wako, Ee Mungu Usiwasahau wanyonge.

¹³Kwa nini mdhalimu amdharau Mungu. Akisema moyoni mwake, Hutapatiliza?

¹⁴Umeona, maana unaangalia matatizo na dhiki, Uyatwae mkononi mwako. Mtu duni hukuachia nafsi yake, Maana umekuwa msaidizi wa yatima.

¹⁵Uuvunje mkono wa mdhalimu, Na mwovu, uipatilize dhuluma yake, hadi usiione.

¹⁶BWANA ndiye Mfalme milele na milele; Mataifa yataangamia kutoka nchi yake.

¹⁷BWANA, utayasikia matakwa ya wanyonge, Uutaidhibiti mioyo yao, utalitega sikio lako.

¹⁸Ili kumhukumu yatima na aliyeonewa, Binadamu aliye udongo asizidi kudhulumu.