Read kiswahili Zaburi 109 Bible Online

Zaburi 109 - kiswahili bible

Zaburi 109

¹ Ee Mungu wa sifa zangu, usinyamaze,

²Kwa maana vinywa viovu na vyenye hila vimefumbuliwa juu yangu, Vikinisema kwa ulimi wa uongo, Wamesema nami kwa ulimi wa uongo.

³ Naam, kwa maneno ya chuki wamenizunguka, Wamepigana nami bure.

⁴Badala ya upendo wangu wao hunishitaki, Ijapokuwa niliwaombea.

⁵ Wamenilipa mabaya kwa mema yangu, Na chuki badala ya upendo wangu.

⁶Umweke mtu mkorofi juu yake, Mshitaki na asimame kulia kwake.

⁷ Katika kuhukumiwa ataonekana hana haki, Na sala yake itadhaniwa kuwa ni dhambi.

⁸ Siku zake na ziwe chache, Usimamizi wake na atwae mtu mwingine.

⁹ Wanawe na wawe yatima, Na mkewe na awe mjane.

¹⁰ Kutanga na watange wanawe na kuomba, Watafute chakula mbali na mahame yao.

¹¹ Mdai na anase vitu vyote alivyo navyo, Wageni na wateke mapato ya kazi yake.

¹²Asiwe na mtu wa kumfanyia fadhili, Wala mtu wa kuwahurumia yatima wake.

¹³ Wazawa wake waangamizwe, Jina lao likafutwe katika kizazi cha pili.

¹⁴ Uovu wa baba zake ukumbukwe mbele za BWANA, Na dhambi ya mamaye isifutwe.

¹⁵ Ziwe mbele za BWANA daima, Aliondoe kumbukumbu lao duniani.

¹⁶Kwa kuwa hakukumbuka kutenda fadhili, Bali alimfukuza mnyonge na mhitaji, Hata akamwua mtu aliyevunjika moyo,

¹⁷Naye alipenda kulaani, nako kukampata. Hakupendezwa na kubariki, kukawa mbali naye,

¹⁸Alijivika laana kana kwamba ni vazi lake. Ikamwingilia moyoni kama maji, Na kama mafuta mifupani mwake.

¹⁹Na iwe kwake kama vazi ajivikalo, Na kama mshipi ajifungao daima.

²⁰Ndiyo malipo ya washitaki wangu toka kwa BWANA, Na ya hao wanaoisingizia nafsi yangu mabaya.

²¹Na Wewe, MUNGU, Bwana, unitendee kwa ajili ya jina lako, Kwa kuwa fadhili zako ni njema uniokoe.

²²Kwa maana mimi ni mnyonge na mhitaji, Na moyo wangu umejeruhiwa ndani yangu.

²³Ninapita kama kivuli kianzacho kutoweka, Ninapeperushwa kama nzige.

²⁴① Magoti yangu yamedhoofu kwa kufunga, Na mwili wangu umekonda kwa kukosa mafuta.

²⁵② Nami nimekuwa wa kudharauliwa na watu, Wanionapo hutikisa vichwa vyao.

²⁶Ee BWANA, Mungu wangu, unisaidie, Uniokoe kulingana na fadhili zako.

²⁷③ Nao wakajue ya kuwa huu ni mkono wako; Wewe, BWANA, umeyafanya hayo.

²⁸④ Waache walaani, bali Wewe utabariki, Wanaonishambulia na waaibishwe, Naye mtumishi wako afurahi.

²⁹Washitaki wangu watavikwa fedheha, Na wavikwe aibu yao kama joho.

³⁰Nitamshukuru BWANA kwa kinywa changu, Naam, nitamsifu katikati ya mkutano.

³¹Maana atasimama mkono wa kulia wa mhitaji Amwokoe kutoka kwa wanaoihukumu nafsi yake.