Read kiswahili Zaburi 111 Bible Online

Zaburi 111 - kiswahili bible

Zaburi 111

¹Haleluya.[18] Nitamshukuru BWANA kwa moyo wangu wote, Barazani pa wanyofu wa moyo na katika mkutano.

²⑫ Matendo ya BWANA ni makuu, Yafikiriwa sana na wapendezwao nayo.

³Kazi yake imejaa heshima na adhama, Na haki yake yadumu milele.

⁴Amefanya ukumbusho wa matendo yake ya ajabu; BWANA ni mwenye fadhili na rehema.

⁵Amewapa wamchao chakula; Atalikumbuka agano lake milele.

⁶Amewajulisha watu wake uwezo wa matendo yake, Kwa kuwapa urithi wa mataifa.

⁷⑬ Matendo ya mikono yake ni kweli na hukumu, Maagizo yake yote ni amini,

⁸⑭ Yamethibitika milele na milele, Yamefanywa kwa uaminifu na haki.

⁹⑮ Amewapelekea watu wake ukombozi, Ameamuru agano lake liwe la milele, Jina lake ni takatifu na la kuogopwa.

¹⁰⑯ Kumcha BWANA ndio mwanzo wa hekima, Wote wafanyao hayo wana ufahamu mzuri, Sifa zake zadumu milele.