Read kiswahili Zaburi 112 Bible Online

Zaburi 112 - kiswahili bible

Zaburi 112

¹Haleluya. Heri mtu yule amchaye BWANA, Apendezwaye sana na maagizo yake.

²Wazawa wake watakuwa hodari duniani; Kizazi cha wenye adili kitabarikiwa.

³⑰ Nyumbani mwake mna utajiri na mali, Na haki yake yadumu milele.

⁴Nuru huwaangaza wenye adili gizani; Ana fadhili na huruma na haki.

⁵⑱ Heri atendaye fadhili na kukopesha; Atengenezaye mambo yake kwa haki.

⁶Kwa maana hataondoshwa kamwe; Mwenye haki atakumbukwa milele.

⁷Hataogopa habari mbaya; Moyo wake u imara ukimtumainia BWANA.

⁸Moyo wake umethibitika hataogopa, Hata awaone watesi wake wameshindwa.

⁹⑲ Ametoa kwa ukarimu, na kuwapa maskini, Haki yake yakaa milele, Pembe yake itatukuzwa kwa utukufu.

¹⁰⑳ Asiye haki ataona na kusikitika, Atasaga meno yake na kuondoka, Matumaini ya wasio haki hupotea.