Read kiswahili Zaburi 115 Bible Online

Zaburi 115 - kiswahili bible

Zaburi 115

¹ Ee BWANA, kutukuza usitutukuze sisi, Bali ulitukuze jina lako, Kwa ajili ya fadhili zako, Kwa ajili ya uaminifu wako.

² Kwa nini mataifa kusema, Yuko wapi Mungu wao?

³ Lakini Mungu wetu yuko mbinguni, Alitakalo lote amelitenda.

⁴ Sanamu zao ni fedha na dhahabu, Kazi ya mikono ya wanadamu.

⁵Zina vinywa lakini hazisemi, Zina macho lakini hazioni,

⁶Zina masikio lakini hazisikii, Zina pua lakini hazinusi harufu,

⁷Mikono lakini hazishiki, miguu lakini haziendi, Wala hazitoi sauti kwa koo zake.

⁸ Wazitengenezao watafanana nazo, Sawa na wote wanaozitumainia.

⁹ Enyi Israeli, mtumainini BWANA; Yeye ni msaada wao na ngao yao.

¹⁰ Enyi mlango wa Haruni, mtumainini BWANA; Yeye ni msaada wao na ngao yao.

¹¹Enyi mmchao BWANA, mtumainini BWANA; Yeye ni msaada wao na ngao yao.

¹² BWANA ametukumbuka, Naye atatubariki sisi. Ataubariki mlango wa Israeli, Ataubariki mlango wa Haruni,

¹³ Atawabariki wamchao BWANA, Wadogo kwa wakubwa.

¹⁴BWANA na awaongeze ninyi, Ninyi na watoto wenu.

¹⁵ Na mbarikiwe ninyi na BWANA, Aliyezifanya mbingu na nchi.

¹⁶Mbingu ni mbingu za BWANA, Bali nchi amewapa wanadamu.

¹⁷Wafu hawamsifu Mungu BWANA, Wala yeyote ashukaye kwenye kimya;

¹⁸ Bali sisi tutamhimidi BWANA, Tangu leo na hata milele.