Read kiswahili Zaburi 118 Bible Online

Zaburi 118 - kiswahili bible

Zaburi 118

¹③ Haleluya. Mshukuruni BWANA kwa kuwa ni mwema, Kwa maana fadhili zake ni za milele.

²④ Israeli na aseme sasa, Ya kwamba fadhili zake ni za milele.

³Mlango wa Haruni na waseme sasa, Ya kwamba fadhili zake ni za milele.

⁴Wamchao BWANA na waseme sasa, Ya kwamba fadhili zake ni za milele.

⁵⑤ Katika shida yangu nilimwita BWANA; BWANA akanijibu akaniweka panapo nafasi.

⁶⑥ BWANA yuko upande wangu, sitaogopa; Mwanadamu atanitenda nini?

⁷⑦ BWANA yuko upande wangu, msaidizi wangu, Kwa hiyo nitawaona wanaonichukia wakiwa wameshindwa.

⁸⑧ Ni heri kumkimbilia BWANA Kuliko kuwatumainia wanadamu.

⁹⑩ Ni heri kumkimbilia BWANA. Kuliko kuwatumainia wakuu.

¹⁰Mataifa yote walinizunguka; Kwa jina la BWANA niliwakatilia mbali.

¹¹⑪ Walinizunguka, naam, walinizunguka; Kwa jina la BWANA niliwakatilia mbali.

¹²⑫ Walinizunguka kama nyuki, Walizimika kama moto wa miibani; Kwa jina la BWANA niliwakatilia mbali.

¹³Ulinisukuma sana ili nianguke; Lakini BWANA akanisaidia.

¹⁴⑬ BWANA ni nguvu zangu na wimbo wangu, Naye amekuwa wokovu wangu.

¹⁵Sauti ya furaha na wokovu Imo hemani mwao wenye haki; Mkono wa kulia wa BWANA hutenda makuu.

¹⁶⑭ Mkono wa kulia wa BWANA umetukuzwa; Mkono wa kulia wa BWANA hutenda makuu.

¹⁷⑮ Sitakufa bali nitaishi, Nami nitayasimulia matendo ya BWANA.

¹⁸⑯ BWANA ameniadhibu sana, Lakini hakuniacha nife.

¹⁹⑰ Nifungulieni malango ya haki, Nitaingia na kumshukuru BWANA.

²⁰⑱ Lango hili ni la BWANA, Wenye haki ndio watakaoliingia.

²¹Nitakushukuru kwa maana umenijibu, Nawe umekuwa wokovu wangu.

²²⑲ Jiwe walilolikataa waashi Limekuwa jiwe kuu la pembeni.⑳

²³ Neno hili limetoka kwa BWANA, Nalo ni ajabu machoni petu.

²⁴ Siku hii ndiyo aliyoifanya BWANA, Tutashangilia na kuifurahia.

²⁵ Ee BWANA, utuokoe, twakusihi; Ee BWANA, utufanikishe, twakusihi.

²⁶ Na abarikiwe yeye ajaye kwa jina la BWANA; Tumewabariki toka nyumbani mwa BWANA.

²⁷ BWANA ndiye aliye Mungu, Naye ndiye aliyetupa nuru. Ifungeni dhabihu kwa kamba Pembeni mwa madhabahu.

²⁸ Ndiwe Mungu wangu, nami nitakushukuru, Ndiwe Mungu wangu, nami nitakutukuza.

²⁹Mshukuruni BWANA kwa kuwa ni mwema, Kwa maana fadhili zake ni za milele.