Read kiswahili Zaburi 132 Bible Online

Zaburi 132 - kiswahili bible

Zaburi 132

¹BWANA, umkumbukie Daudi Taabu zake zote alizotaabika.

²Vile alivyomwapia BWANA, Akaweka nadhiri kwa ewe Mwenye nguvu wa Yakobo.

³“Sitaingia nyumbani mwangu, Wala sitalala kitandani mwangu;

⁴⑭ Sitaacha macho yangu kuwa na usingizi, Wala kope zangu kusinzia;

⁵Hadi nitakapompatia BWANA mahali, Na Mwenye nguvu wa Yakobo maskani”.

⁶⑮ Tazama, tulisikia habari zake katika Efrata, Katika shamba la Yearimu tuliiona.

⁷Na tuingie katika maskani yake, Tusujudu penye kiti cha kuwekea miguu yake.

⁸⑯ Ee BWANA, uinuke, uende kwenye raha yako, Wewe na sanduku la nguvu zako.

⁹⑰ Makuhani wako na wavikwe haki, Watauwa wako na washangilie.

¹⁰Kwa ajili ya Daudi, mtumishi wako, Usiurudishe nyuma uso wa masihi[20] wako.

¹¹⑱ BWANA amemwapia Daudi neno la kweli, Hatarudi nyuma akalivunja, Mmoja wa wazawa wako mwenyewe Nitawaweka katika kiti chako cha enzi.

¹²Wanao wakiyashika maagano yangu, Na shuhuda nitakazowafundisha; Watoto wao nao wataketi Katika kiti chako cha enzi milele.

¹³Kwa kuwa BWANA ameichagua Sayuni, Ameitamani akae ndani yake.

¹⁴Hapo ndipo mahali pangu pa raha milele, Hapo nitakaa kwa maana nimepatamani.

¹⁵Hakika nitavibariki vyakula vyake Wahitaji wake nitawashibisha chakula.

¹⁶⑲ Na makuhani wake nitawavika wokovu, Na watauwa wake watashangilia.

¹⁷⑳ Hapo nitamchipushia Daudi pembe, Na taa nimemtengenezea masihi[21] wangu.

¹⁸Adui zake nitawavika aibu, Bali juu yake taji lake litasitawi.