Read kiswahili Zaburi 138 Bible Online

Zaburi 138 - kiswahili bible

Zaburi 138

¹⑪ Nitakushukuru kwa moyo wangu wote, Mbele ya miungu nitakuimbia zaburi.

²⑫ Nitasujudu nikilikabili hekalu lako takatifu, Nitalishukuru jina lako, Kwa ajili ya fadhili zako na uaminifu wako, Kwa maana umeikuza ahadi yako, na jina lako juu ya vyote.

³⑬ Siku ile niliyokuita uliniitikia, Ukanifariji nafsi kwa kunitia nguvu.

⁴Ee BWANA, wafalme wote wa dunia watakushukuru, Watakapoyasikia maneno ya kinywa chako.

⁵Naam, wataziimba njia za BWANA, Kwa maana utukufu wa BWANA ni mkuu.

⁶⑭ Ingawa BWANA yuko juu, anamjali mnyenyekevu, Naye amjua mwenye kujivuna tokea mbali.

⁷⑮ Nijapopitia katika shida, Unanilinda juu ya hasira ya adui zangu, Unaunyosha mkono wako, Na mkono wako wa kulia unaniokoa.

⁸⑯ BWANA atanitimizia malengo yake kwangu; Ee BWANA, fadhili zako ni za milele; Usiiache kazi ya mikono yako.