Read kiswahili Zaburi 146 Bible Online

Zaburi 146 - kiswahili bible

Zaburi 146

¹Haleluya.[27] Ee nafsi yangu, umsifu BWANA.

²Nitamsifu BWANA muda ninaoishi, Nitamwimbia Mungu wangu ningali ni hai.

³⑯ Msiwatumainie wakuu, Wala binadamu ambaye hakuna wokovu kwake.

⁴⑰ Pumzi yake inapomtoka, anarudi katika udongo wake, Siku iyo hiyo mipango yake hutoweka.

⁵⑱ Heri ambaye Mungu wa Yakobo ni msaada wake, Na tumaini lake ni kwa BWANA, Mungu wake,

⁶⑲ Aliyezifanya mbingu na nchi, Bahari na vitu vyote vilivyomo. Huishika kweli milele,

⁷Huwafanyia hukumu walioonewa, Huwapa wenye njaa chakula; BWANA hufungua waliofungwa;

⁸BWANA huwafumbua macho waliopofuka; BWANA huwainua walioinama; BWANA huwapenda wenye haki;

⁹BWANA huwahifadhi wageni; Huwategemeza yatima na mjane; Bali njia ya wasio haki huiharibu.

¹⁰BWANA atamiliki milele, Mungu wako, Ee Sayuni, kwa vizazi vyote. Haleluya.