Read kiswahili Zaburi 147 Bible Online

Zaburi 147 - kiswahili bible

Zaburi 147

¹Haleluya. Msifuni Bwana; Maana ni vema kumwimbia Mungu wetu sifa, Maana ni mwenye fadhili, na anastahili kuimbiwa sifa.

²⑳ BWANA ndiye aijengaye Yerusalemu, Huwakusanya waliotawanyika wa Israeli.

³ Huwaponya waliopondeka moyo, Na kuyaganga majeraha yao.

⁴ Huihesabu idadi ya nyota, Huzipa zote majina.

⁵ Bwana wetu ni mkuu na mwingi wa nguvu, Akili zake hazina mpaka.

⁶ BWANA huwategemeza wenye upole, Huwaangusha chini wenye jeuri.

⁷ Mwimbieni BWANA kwa kushukuru, Mwimbieni Mungu wetu kwa kinubi.

⁸ Huzifunika mbingu kwa mawingu, Huitengenezea nchi mvua, Na kuichipusha nyasi milimani.

⁹ Humpa mnyama chakula chake, Wana-kunguru waliao.

¹⁰ Hapendezwi na nguvu za farasi, Wala hairidhii miguu ya mkimbiaji.[28]

¹¹BWANA huwaridhia wao wamchao, Na kuzitarajia fadhili zake.

¹²Msifu BWANA, Ee Yerusalemu; Msifu Mungu wako, Ee Sayuni.

¹³Maana amevikaza vipingo vya malango yako, Amewabariki wanao ndani yako.

¹⁴Ndiye aletaye amani mipakani mwako, Hukushibisha kwa ngano safi.

¹⁵ Huipeleka amri yake juu ya nchi, Neno lake lapiga mbio sana.

¹⁶Ndiye atoaye theluji kama sufu, Huimwaga barafu yake kama majivu,

¹⁷Hutupa mvua ya mawe kama makombo, Mbele ya baridi yake ni nani awezaye kusimama?

¹⁸Hulituma neno lake na kuviyeyusha, Huuvumisha upepo wake, maji yakatiririka.

¹⁹ Hulitangaza neno lake kwa Yakobo, Na amri zake na hukumu zake kwa Israeli.

²⁰ Hakulitendea taifa lolote mambo kama hayo, Wala hukumu zake hawakuzijua. Haleluya.