Read kiswahili Zaburi 2 Bible Online

Zaburi 2 - kiswahili bible

Zaburi 2

¹ Mbona mataifa yanafanya ghasia, Na watu kuwaza mambo ya bure?

² Wafalme wa dunia wanajipanga, Na wakuu wanafanya shauri pamoja, Juu ya BWANA, Na juu ya masihi[1] wake,

³ Na tuvipasue vifungo vyao, Na kuzitupa mbali nasi kamba zao.

⁴ Yeye aketiye mbinguni anacheka, Bwana anawafanyia dhihaka.

⁵Ndipo atakaposema nao kwa hasira yake, Na kuwafadhaisha kwa ghadhabu yake, akisema:

⁶Nami nimemweka mfalme wangu Juu ya Sayuni, mlima wangu mtakatifu.

⁷ Nitaihubiri amri; BWANA aliniambia, Wewe ni mwanangu, Mimi leo nimekuzaa.

⁸ Uniombe, nami nitakupa mataifa kuwa urithi wako, Na miisho ya dunia kuwa milki yako.

⁹ Utawaponda kwa fimbo ya chuma, Na kuwavunja kama chombo cha mfinyanzi.

¹⁰Na sasa, enyi wafalme, iweni na hekima, Enyi watawala wa dunia, mwaonywa.

¹¹Mtumikieni BWANA kwa kicho, Shangilieni kwa kutetemeka.

¹² Shikeni yaliyo bora,[2] asije akafanya hasira Nanyi mkapotea njiani, Kwa kuwa hasira yake huwaka upesi; Heri wote wanaomkimbilia.