Read kiswahili Zaburi 20 Bible Online

Zaburi 20 - kiswahili bible

Zaburi 20

¹ BWANA akujibu siku ya dhiki, Jina la Mungu wa Yakobo likuinue.

²Akutumie msaada toka patakatifu pake, Na kukutegemeza toka Sayuni.

³Azikumbuke sadaka zako zote, Na kuzitakabali dhabihu zako.

⁴ Akujalie kwa kadiri ya haja ya moyo wako, Na kukutimizia mipango yako yote.

⁵ Na tuushangilie wokovu wako, Kwa jina la Mungu wetu tuzitweke bendera zetu. BWANA akutimizie matakwa yako yote.

⁶Sasa najua kuwa BWANA amwokoa masihi[4] wake; Atamjibu toka mbingu zake takatifu, Kwa matendo makuu ya wokovu Ya mkono wake wa kulia.

⁷ Hawa wanataja magari na hawa farasi, Lakini sisi tutalitaja jina la BWANA, Mungu wetu.

⁸Wao wameinama na kuanguka, Bali sisi tumeinuka na kusimama.

⁹BWANA, umwokoe mfalme, Utuitikie siku tuitayo.