Read kiswahili Zaburi 21 Bible Online

Zaburi 21 - kiswahili bible

Zaburi 21

¹Ee BWANA, mfalme atazifurahia nguvu zako, Na wokovu wako ataufanyia shangwe nyingi sana.

² Umempa haja ya moyo wake, Wala hukumzuilia matakwa ya midomo yake.

³Maana umemsogezea baraka za heri, Umemvika taji la dhahabu safi kichwani pake.

⁴① Alikuomba uhai, ukampa, Muda mrefu wa siku nyingi, milele na milele.

⁵Utukufu wake ni mkuu kwa wokovu wako, Heshima na adhama waweka juu yake.

⁶Maana umemfanya kuwa baraka za milele, Wamfurahisha kwa furaha ya uso wako.

⁷② Kwa kuwa mfalme humtumainia BWANA, Na kwa fadhili zake Aliye Juu hatatikisika.

⁸Mkono wako utawapata adui zako wote, Mkono wako wa kulia utawapata wanaokuchukia.

⁹③ Utawafanya kuwa kama tanuri ya moto, Wakati wa ghadhabu yako. BWANA atawameza kwa ghadhabu yake, Na moto utawateketeza.

¹⁰Matunda yao utayaharibu na kuyaondoa katika nchi, Na wazao wao katika wanadamu.

¹¹Wakipanga kukutenda mabaya, Kwa miango ya hila, hawatafanikiwa.

¹²Kwa maana utawatimua utawafanya wakimbie, Kwa upote wa uta wako utazilenga nyuso zao.

¹³④ Ee BWANA, utukuzwe kwa nguvu zako, Nasi tutaimba na kuuhimidi uwezo wako.