Read kiswahili Zaburi 22 Bible Online

Zaburi 22 - kiswahili bible

Zaburi 22

¹⑤ Mungu wangu, Mungu wangu, Mbona umeniacha? Mbona U mbali na wokovu wangu, Na maneno ya kuugua kwangu?

²Ee Mungu wangu, nalia mchana lakini hujibu Na wakati wa usiku lakini sipati raha.

³⑥ Lakini Wewe U Mtakatifu, Utukuzwaye na sifa za Israeli.

⁴Baba zetu walikutumainia Wewe, Walitumainia, na Wewe ukawaokoa.

⁵Walikulilia Wewe wakaokoka, Walikutumainia, nao hawakuaibika.

⁶⑦ Lakini mimi ni mdudu wala si mtu, Nimedharauliwa na kupuuzwa na watu.

⁷⑧ Wote wanionao hunicheka sana, Hunifyonya, wakitikisa vichwa vyao;

⁸⑩ Husema, Umtegemee BWANA; na amponye; Na amwokoe sasa, maana apendezwa naye.

⁹Naam, Wewe ndiwe uliyenitoa tumboni, Ulinisalimisha matitini mwa mama yangu.

¹⁰Kwako nilitupwa tangu tumboni, Toka tumboni mwa mamangu ndiwe Mungu wangu.

¹¹Usiwe mbali nami maana taabu i karibu, Kwa maana hakuna msaidizi.

¹²Mafahali wengi wamenizunguka, Walio hodari wa Bashani wamenisonga;

¹³⑪ Wananifumbulia vinywa vyao, Kama simba apapuraye na kunguruma.

¹⁴Nimemwagika kama maji, Mifupa yangu yote imeteguka, Moyo wangu umekuwa kama nta, Na kuyeyuka ndani ya moyo wangu.

¹⁵⑫ Nguvu zangu zimekauka kama gae, Ulimi wangu waambatana na taya zangu; Unaniweka katika mavumbi ya mauti

¹⁶⑬ Kwa maana mbwa wamenizunguka; Kusanyiko la waovu wamenisonga; Wamenidunga mikono na miguu.

¹⁷Naweza kuihesabu mifupa yangu yote; Wao wananitazama na kunikodolea macho.

¹⁸⑭ Wanagawanya nguo zangu, Na vazi langu wanalipigia kura.

¹⁹Nawe, BWANA, usiwe mbali, Ee Nguvu zangu, fanya haraka kunisaidia.

²⁰Uniponye nafsi yangu na upanga, Mpenzi wangu na nguvu za mbwa.

²¹⑮ Kinywani mwa simba uniokoe; Naam, toka pembe za nyati umenijibu.

²²⑯ Nitalihubiri jina lako kwa ndugu zangu, Katikati ya kusanyiko nitakusifu.

²³Ninyi mnaomcha BWANA, msifuni, Enyi nyote mlio wazawa wa Yakobo, mtukuzeni, Mcheni, enyi nyote mlio wazawa wa Israeli.

²⁴Maana hapuuzi Wala kuchukizwa na mateso ya anayeteswa, Wala hamfichi uso wake, Bali humsikia akimlilia.

²⁵Kwako zinatoka sifa zangu Katika kusanyiko kubwa. Nitaziondoa nadhiri zangu Mbele yao wamchao.

²⁶⑰ Wapole watakula na kushiba, Wamtafutao BWANA watamsifu; Mioyo yenu na iishi milele.

²⁷⑱ Miisho yote ya dunia itakumbuka, Na watu watamrejea BWANA; Jamaa zote za mataifa watamsujudia.

²⁸⑲ Maana ufalme ni wa BWANA, Naye ndiye awatawalaye mataifa.

²⁹⑳ Wakwasi wote wa dunia watakula na kusujudu, Humwinamia wote washukao mavumbini; Naam, yeye asiyeweza kujihuisha nafsi yake,

³⁰Wazawa wake watamtumikia. Zitasimuliwa habari za BWANA, Kwa kizazi kitakachokuja,

³¹Watautangaza wokovu wake kwa watakaozaliwa, Ya kwamba ndiye aliyeyafanya.