Read kiswahili Zaburi 24 Bible Online

Zaburi 24 - kiswahili bible

Zaburi 24

¹ Nchi na vyote vilivyomo ni mali ya BWANA, Dunia na wote wakaao ndani yake.

²Maana ameiweka misingi yake juu ya bahari, Na juu ya mito ya maji aliithibitisha.

³Ni nani atakayepanda katika mlima wa BWANA? Ni nani atakayesimama katika patakatifu pake?

⁴ Mtu aliye na mikono safi na moyo mweupe, Asiyeiweka nafsi yake katika uongo, Wala hakuapa kwa hila.

⁵Atapokea baraka kwa BWANA, Na haki kwa Mungu wa wokovu wake.

⁶Hiki ndicho kizazi cha wamtafutao, Wakutafutao uso wako, Ee Mungu wa Yakobo.

⁷ Inueni vichwa vyenu, enyi malango, Inukeni, enyi malango ya milele, Mfalme wa utukufu apate kuingia.

⁸Ni nani Mfalme wa utukufu? BWANA mwenye nguvu, hodari, BWANA hodari wa vita.

⁹Inueni vichwa vyenu, enyi malango, Naam, viinueni, enyi malango ya milele, Mfalme wa utukufu apate kuingia.

¹⁰Ni nani huyu Mfalme wa utukufu? BWANA wa majeshi, Yeye ndiye Mfalme wa utukufu.