Read kiswahili Zaburi 26 Bible Online

Zaburi 26 - kiswahili bible

Zaburi 26

¹ Ee BWANA, unihukumu mimi, Maana nimekwenda kwa ukamilifu wangu, Nami nimemtumaini BWANA bila wasiwasi.

²Ee BWANA, unijaribu na kunipima; Unisafishe akili yangu na moyo wangu.

³Maana fadhili zako zi mbele ya macho yangu, Nami nimekwenda katika kweli yako.

⁴ Sikai pamoja na watu waovu, Wala sitaingia kuwa pamoja na wanafiki.

⁵ Nimelichukia kusanyiko la watenda mabaya, Wala sitaketi pamoja na watu waovu.

⁶ Nitanawa mikono yangu bila ya kuwa na hatia, Na kuizunguka madhabahu yako, Ee BWANA

⁷Ili niitangaze sauti ya kushukuru, Na kuzisimulia kazi zako za ajabu.

⁸BWANA, nimependa makao ya nyumba yako, Na mahali pa maskani ya utukufu wako.

⁹Usiiondoe nafsi yangu pamoja na wakosaji, Wala uhai wangu pamoja na wauaji.

¹⁰Mikononi mwao mna madhara, Na mkono wao wa kulia umejaa rushwa.

¹¹Ila mimi nitakwenda kwa ukamilifu wangu; Unikomboe, unifanyie fadhili.

¹²Mguu wangu umesimama palipo sawa; Katika kusanyiko kuu nitamhimidi BWANA.