Read kiswahili Zaburi 29 Bible Online

Zaburi 29 - kiswahili bible

Zaburi 29

¹⑤ Mpeni BWANA, enyi wana wa Mungu, Mpeni BWANA utukufu na nguvu;

²Mpeni BWANA utukufu wa jina lake; Mwabuduni BWANA kwa uzuri wa utakatifu.

³Sauti ya BWANA inasikika juu ya maji; Mungu wa utukufu apiga radi; BWANA yu juu ya maji mengi.

⁴Sauti ya BWANA ina nguvu; Sauti ya BWANA ina utukufu;

⁵Sauti ya BWANA yaivunja mierezi; Naam, BWANA aivunjavunja mierezi ya Lebanoni;

⁶⑥ Airusharusha Lebanoni kama ndama wa ng'ombe; Lebanoni na Sirioni kama mwananyati.

⁷Sauti ya BWANA inatoa miale paa ya moto;

⁸⑦ Sauti ya BWANA yalitetemesha jangwa; BWANA alitetemesha jangwa la Kadeshi.

⁹Sauti ya BWANA yawazalisha ayala, Na kuiacha misitu wazi; Na ndani ya hekalu lake Wanasema, Utukufu!

¹⁰⑧ BWANA aketi juu ya Gharika; Naam, BWANA ameshika hatamu ya ufalme milele.

¹¹⑩ BWANA na awape watu wake nguvu; BWANA na awabariki watu wake kwa amani.