Read kiswahili Zaburi 30 Bible Online

Zaburi 30 - kiswahili bible

Zaburi 30

¹Ee BWANA, nitakutukuza kwa maana umeniinua, Wala hukuwafurahisha adui zangu juu yangu.

²⑪ Ee BWANA, Mungu wangu, Nilikulilia ukaniponya.

³⑫ Umeniinua nafsi yangu, Ee BWANA, kutoka kuzimu. Umenihuisha na kunitoa Miongoni mwao washukao Shimoni.

⁴Mwimbieni BWANA zaburi, Enyi watauwa wake. Na kutoa shukrani. Kwa kukumbuka utakatifu wake.

⁵⑬ Maana ghadhabu zake ni za muda mfupi tu; Radhi yake ni ya milele. Kilio huweza kuwapo usiku, Lakini furaha huja asubuhi.

⁶⑭ Nami nilipofanikiwa nilisema, Sitaondoshwa milele.

⁷⑮ BWANA, kwa radhi yako Wewe uliuimarisha mlima wangu. Uliuficha uso wako, Nami nikafadhaika.

⁸Ee BWANA, nilikulilia Wewe, Naam, kwa BWANA niliomba dua.

⁹⑯ Mna faida gani katika damu yangu Nishukapo Shimoni? Mavumbi yatakusifu? Yatautangaza uaminifu wako?

¹⁰⑰ Ee BWANA, usikie, unirehemu, BWANA, uwe msaidizi wangu.

¹¹⑱ Umegeuza msiba wangu kuwa ngoma; Umeniondolea huzuni yangu, kunijalia furaha tele.

¹²Ili nafsi yangu ikusifu, Wala isinyamaze. Ee BWANA, Mungu wangu, Nitakushukuru milele.